يـجـسـام الـحـرب يـصـعب امـرهـها         وانــتــه بـهـالـعمر رايـــد تـطـرهـها

نـدري ابن الحسن ما يعرف الخوف         ولا گلـبه ارتجف من شاف السيوف
لـكـن يـالمحب خـل عـينك اتـشوف         اشـلـون الـمـوزمه الـقاسم عـبرهها

وگف شبل الحسن يم يعمه الحسين         ولابـــس لامــتـه بـعـمـر الـريـاحـين
يگلـــه بـرگبـتـي يــاعـم الــك دَيــن         دَيــــــن الــتـربـيـه ولازم ابــرهــهـا

وآنـــه بـطـاعتك يــا عـمـي مـلـزوم         يـــا ثــالـث إمــام وحـجـه مـعـصوم
اريـــد ابـصـارمـي افـنـيـها هــالگوم         وامـــك فـاطـمه الـزهـره اسـرهـها

صــد لـيـه الـحـسين وعـبـرته انـهار         بـحـنـانه ايـخـاطـبه وبـإمـره مـحـتار
انـتـه مــن الـحـسن يـاعـمي تـذكار         جـاسـم يـاضـوه عـيـوني ونـظـرهها

گال ابــن الـحـسن يـاعـمي انـخـاك         احــلـفـك بـالـضـلع خـلـيـني ويـــاك
احـامـي عـنـك وعــن كــل يـتـاماك         والــــي غــدرتـك اگطـــع خـبـرهـها

عـهـد مــن الـحـسن يـاعـمي ويـاي         اذا شـفـتـك غــريـب بـحـالتك هــاي
اضــحـي بـمـهجتي وانـطـيها دنـيـاي         تـهـون الــروح لاجـلك مـن زغـرهها

إذن خــوض الـحـرب يـا عـمي رايـد         ادافــــع عــنــك ودونــــك اجــاهــد
وانــه بـعـيني الـعـدا هـاليوم اشـاهد         مـحـوطـتك يـبـن فــارس مـضـرهها

اسـمـعك تـنـتخي وتـحـشم الـنـاس         وظـهـرك مـنـحني مــن راح عـباس
ارخـصـنـي يـعـمي ألگوم الارجــاس         وحگ جــدي الـوصي آنـه احـتقرهها

طـلـع چنــه الگمـر لـلحومه سـربال         يـنـادي ويـفـتخر چن صـوتـه زلـزال
انــه ابــن الـحـسن هــزّام الابـطال         وحــيـن الـــي بـــرز بـيّـن ذعـرهـها

تــقــدم لـلـحـرب رايــدهـا جــسـام         يـريـد الـتـضحيه عــن ديـن الاسـلام
وصـار ابـن الحسن لاهل المجد هام         ومـــا هـــاب الـمـنايه ولا خـطـرهها