يـحـسين الـك صـبن جـمر دمـعاتي         طــول الـعـمر اجــذب ألــك ونّـاتي


مــولاي مـا عـندي وسـيله ولا جـاه         غـيرك يـبن حـامي الـحمه عـند الله
يـل خـدمتك واجـب عـلي ما انساه         بـيك اشـتعل واطـفه والـك لوعاتي

يـحـسين يــا بــاب الـنـجاة الـعـالي         حـلـفـتك بـضـلـع الــزچيـه الـغـالي
اقـبـل يـبـو الاكـبـر جـمـيع اعـمالي         وهـذا انـه بـاسمك قـدمت چلـماتي

يـرخص الـك هـذا الـعمر يـا مـولاي         يـا جـمره تـتوجر حـزن بـين حشاي
اشرب ينور عيوني من دمعي الماي         وشـيـفـيد ونّــي ودمـعـتي وآهـاتـي

شـيـفيد ونــي وانـته فـوگ الـتربان         ضـامي الگلـب يـسعر دلـيلك نيران
وعـله الـصدر لـعبت خيول العدوان         مــا ضــن اوفــي مـصـابك بـونّـاتي

جــمـرة مـصـابـك لـلـحشر تـتـوجر         وبگلــب كــل مـؤمن لـهيبك يـسعر
بـكل مـأتم امـك فـاطمه بي تحضر         ويــاسـاعـد الله فـاطـمـه مــولاتـي

تـزلـزل اجـبـال الـصـبر يـا مـظلوم         مـن صـبرك وصـبر الـعقيله وچلثوم
مـثـل الـجـره بـعـاشور أبــداً لايـوم         بـالـماضي يـبـن الـمرتضى وبـالاتي