وقفة الأيامى عبدالله القرمزي يالطفيت بشفتك=أحلى ابتسامة علمتنا وگفتك=معنى الكرامة لعيونك سلام=سلام و المنحر ماظل للكلام=كلام يتصور ينايم منه بس طرفه=و گللبه نازف بعطفه شِلع نصفه هلمسلب=و بگى يداري الخيم نصفه يَمن ميمونه يم جثته=يمرغ بالدما عُرفه و يحن بصهلته حنه=و يگله گوم الي تكفه بسك لا تِنام=تِنام و تنساني لو عندك ملام=ملام لعناني يالطفيت بشفتك=أحلى ابتسامة علمتنا وگفتك=معنى الكرامة لعيونك سلام=سلام و المنحر ماظل للكلام=كلام يتصور يساعة فيها كل ساعة=وگف كلشي الى وداعَه وگف حتى النهر يسمع=دماه بلحظة نزاعَه عجب حتى الصخر يزچي=و يصك بإيده اسماعَه و تحت كل صخرة يتگاطر=بدما من ونة أضلاعَه ظللك الحمام=حمام بجناحه يا باب السلام=سلام و مفتاحه يالطفيت بشفتك=أحلى ابتسامة علمتنا وگفتك=معنى الكرامة لعيونك سلام=سلام و المنحر ماظل للكلام=كلام يتصور إجَت يم الجسد سكنه=و أملها جُرحك تسكنه و لن موت استوى بصدرك=و مخالب منه متمكنه جسد مثل الجبل لكن=من همومه انهدم ركنه يصير تگوم و تردني=و تگطع باليتم شكله لا تگلي سراب=سراب آمالي تگدر عالعتاب=عتاب يالغالي يالطفيت بشفتك=أحلى ابتسامة علمتنا وگفتك=معنى الكرامة لعيونك سلام=سلام و المنحر ماظل للكلام=كلام يتصور و جت زينب على التلة=صبرها يسلها و تسله تگوم و تعثر بهمها=و گللبها من الوجد كله و يكفي الدنيا حگ تغرب=تحتها من الدمع هله وگف گللب الصبر لحظة=و نادت يا شبيب خله خذ نحري معاك=معاك يتخضب ياخويه فداك=فداك كل زينب يالطفيت بشفتك=أحلى ابتسامة علمتنا وگفتك=معنى الكرامة لعيونك سلام=سلام و المنحر ماظل للكلام=كلام يتصور