البكاء للشاعر نادر التتان عيني من أنصارك=ثارك .. تحمله و المدمع نارك=نارك .. تهمله ما غيرك ذوَب=عيني يالسهمك صوَب=عيني تبچي الناس الناس و دمعي=ما يجري لغيرك يَحسين يا صحبة گللبي و وجداني=و أجمل حِلم على الرمشين أبچي عليك و كل الدنيا=مني تسيل على الخدين لو بيدي آنا الصِرت أجري=ذكر مصابك في كِل عين آنا العبرة لخاطر جدك=لا تمسحني ليوم الدين و سامحني كلما مر يومك=و بحزني ما ذگت البين يا سر جروحي=بنوحي لو تطيب أسچب لك روحي=بروحي و لا تغيب عيني=يعميها فراگك عيني=و تظل تشتاگك عيني عيني من أنصارك=ثارك .. تحمله و المدمع نارك=نارك .. تهمله ما غيرك ذوَب=عيني يالسهمك صوَب=عيني إيماني بجرحك يرسمني=نار بجنة و جنة بنار بنوحي عليك أبدأ مشواري=بموتي عليك أنهي المشوار أصرخ يا مذبوح العبرة=و اتلوى و دمعي مِدرار و ماتبچي و تهمل عبرتها=عالأحرار الا الأحرار و لو كل مَن يهديني عيونه=أذرفها لعينك أنهار يا عُمري ويا حيرة عُمري=يالباسمك ترخص الأعمار يا شوگي بصدري=و نحري و كل وريد ما گوض صبري=بعمري لو يفيد عيني=لعيونك هامَت عيني=لَجلك ما نامَت عيني عيني من أنصارك=ثارك .. تحمله و المدمع نارك=نارك .. تهمله ما غيرك ذوَب=عيني يالسهمك صوَب=عيني شِلي بگللبي الما يتگطع=لَجلك يا رحمة الگللوب يالدمعه عليك تنجيني=و تتكفل بأعظم الذنوب لاهوب المحشر طفيته=گطرة على الخِدر الملهوب و سكَنت الونات بگبري=بوَنة على الشيب المخضوب يالما آمنت الا بدربك=و لغيرك ماريد دروب ما أنساك و ما تنساني=عهد على سنيني و مكتوب وحدك في بالي=الغالي و ما تهون إرحم دلالي=و حالي يالحنون عيني=يالدمعه تنصرك عيني=باچر تنتظرك عيني عيني من أنصارك=ثارك .. تحمله و المدمع نارك=نارك .. تهمله ما غيرك ذوَب=عيني يالسهمك صوَب=عيني يا سورة حِزني و آلامي=أبچي عليك ويا التنزيل ما تتورع دمعة عيني=ليل نهار نهار و ليل هاي القِصة و دمعة هاجَر=كلما مرت بيها تسيل أيام و ماتت بالحسرة=بالما حل على اسماعيل و اسأل نفسي شلون أتحمل=ما تنهشني سيوف الويل و شلون الهم ما غيبني=و انته عليك تحوم الخيل گاسيت لحالك=حالك يالغريب عافر برمالك=مالك من مجيب عيني=تتأمل وضعك عيني=لو تمسح دمعك عيني عيني من أنصارك=ثارك .. تحمله و المدمع نارك=نارك .. تهمله ما غيرك ذوَب=عيني يالسهمك صوَب=عيني