نـعش امـي يـبويه خـل يـضل با الدار         وبـاجـر شـيعه وكـت الـصبح لـو صـار
بـنـت انــه واخـوتي مـو بـعدنه ازغـار         وحـيـل افــراك كـلـبي يـاعـلي مـابيه

حـيـل افــراك واحـنـه ازغــار مـابينه         بـــس هـالـيـل ويـــه امــنـه دخـلـينه
خــيـمـه الام عـكـبـها مـــن يـبـاريـنه         لـوشـلت الـنـعش بـالـضلمه وتـواريه

لــتــواريــه يــبــويــه رده لــمـجـانـه         امـنه وخـل تـضل بس هالمسه اويانه
عـلـي بـويـه الـمـصاب امـنين يـلفانه         بـعمري لويصح عمر امي ولله اشريه

يـبـويه والـحـسن شـوفـه يـهل دمـعه         يــم امــي انـينه امـن الـكلب سـمعه
وهذا حسين طاوي امن الحزن ضلعه         عـدهـا اعـزيـز بـلـجن تـكعد اتـحاجيه

بـلـجن تـكـعد وحـال اخـوتي اتـنضره         واحـنـه اعــزاز بـويـه اعــزاز لـلزهره
عـكـب امــي يـبويه الـكلب شـيصبره         وهــذا الــدار مـاضن بـعد يـنطب لـيه

دار الي خله امن الزهره موحش صار         يـبـويه والـفـلك ريــت الـفـلك يـنـدار
بـاجـر لـو نـشد عـن بـضعته الـمختار         شـيـكـول وضـلـعـها لـلـنـبي اتـراويـه

اتـراويـه لـلـنبي ضـلـع انـكـسر مـنـها         وتــخـبـره وكـــع بـالـبـاب مـحـسـنها
انــشــد امــتـك يـالـمـصطفى عـنـهـا         امـــه الــواعـدت هـالـوعـد مـاتـوفيه

مــاوفــت وعــدهــا امــتــك مــالـت         يـالـهادي اعــل دارك صـالت وجـالت
دمــع ودمــوم مــن اوديـعـتك سـالت         وحــال الـزهره حـتى لـلسمه ايـبجيه