صـدك تـبجين ونـتي الـمابجت عينج         ومـن كـثر الـحزن الله الـذي ايعينج
كــالـوا يـنـسـمع يـافـاطـمه اونـيـنج         ولـيل انـهار مـن كـثر الـهضم تبجين

لاتـبـجـيـن دمــعـج غــالـي لـتـهـليه         وكـلـبج بـالـحزن يـالـزهره لـتـسليه
مــو لـجـلج سـماءه الـخالق امـعليه         وبـاري الـكون يغضب لمن اتغضبين

اشلون اتجاسرت جف القذر عالباب         ومن صدرج ضلع يم الحسن ينصاب
هــوه لـوجـرح يـافـاطمه جـا طـاب         اجـروح اهـواي منهن ياجرح تشكين

تـشكين المصايب عكب سيد الكون         يـالـزهره ومـنـدري يـامصيبه اتـهون
فـكد الـمصطفى والـحكج ايـغصبون         لـــو مــحـد فـزعـلج لـمـن اتـنـادين

نـاديـتـي عــلـي عــنـج عـلـي ويـنـه         وشــجـان الــعـذر مــا بـيـنج وبـيـنه
مــو ضـلـع الـمـهشم شـافـته عـينه         ويـسـمع جــان مــن الامــج اتـونين

ونـيـتـي وكــبـل مـاتـغمض اعـيـونج         ابـضـلـمة لــيـل وصـيـتـي يـدفـنونج
كـبـل الـموت انـتي مـنخطف لـونج         الـمـن زيـنـب اتـعـيفيها والـحـسنين