عـله الـزهره الـفرح مـايوم بسمار         هـضـيمه والـهـضم جـرعته بـسمار
الاشـد تـنصاب وسط الضلع بسمار         او وكع محسن تشوفه اعله الوطيه

عـلـيـه الــحـزن يـتـوجـب يـشـيعه         وكـسر ضلعي اعله كل واحد يشيع
الـنـعش وصـيـت بـالضلمه يـشيعه         وكـبـري ايـضيع ردتـه اعـله الـبريه

اريـد ابـجي عـليش امـن ابجي يابه         ضــالــم والــحـقـد لــلـبـاب يــابـه
صـحت لـمن عـصرني ابصوت يابه         انـكـسر ضـلـعي يـسـلطان الـبريه

انـه زيـنب ودمـعي ادمـوم يـنصاب         عـلـيمن ضـلـع امـي ابـاب يـنصاب
شـبـده مـنـها ذنــب ضـلام يـنصاب         مــهـي اوديــعـة مـحـمـد عـالـبريه

نـوايب عـله اشبول الزهره ضلعين         وابـو فـاضل لـخوه حـسين ضلعين
بـنـي امـيه اكـسروا لـلنبي ضـلعين         ضـلـع سـبـطه وضـلع بـنته الـزجيه