الابوذية: بسمار كَضيت العمر نوح وسكَم بسمار=يبويه أحضر الليله الي بسمار أعصروني وبالظهر نبتو بسمار=والمحسن صكَط فوك الوطيه ودايّ لربي والنبي ولعلي ودايّ=بلغ هل الامر يانبي وداي الباري للنبي هل الامر وداي=علي هو الخليفه أعلى البريه بالهم شلون أهل الكساء يعيشون بالهم=وشلون المرتضى ينطبر بالهم وتنوح الزهره طول الدهر بالهم=وتموت بعصره وبعله خفيه القصيدة: يابنت النبي نواسيج ونريدج تواسينه بديار الغرب صرنه وعفنّه ديار اهالينه عشتي بالحياة أحزان ماشفتي الفرح مره=أول حزن لمن مات مُحمد سيد العتره والثاني أخذ أرضج وصارت ملك للزمره=والثالث صبر حيدر عن حكَه وعسر أمره يانور النبي الوهاج منج ناخذ العبره=حبج نهج للاحرار منّه أشتعلت الثوره للعالم انطيتي عبر=وكلمن مشه بدربج ضفر واْ لّي يعاديج اندحر دربج للجنان يسير واضح من مضامينه يازوجة علي الكرار ياتاج لنسه الكونين=ياأم النبي الهادي ياأم الحسن وحسين يلحبكم فرض عنّاس واجب مناصول الدين=قبس منورج لعتره هل بيت النبي الطيبين دربج نهج للامه ونبكَه عل ا لدرب ماشين دربج للخلد مضمون=شهاده وتضحيه مقرون غصبن على الذي يعادون لازم نكشف التاريخ ونصحح معانيه أنه الكوثر الصافي روحو أدبرو القرأن=وأم اهل الكساء الخمسه لمنّ رادو البرهان ياأهل السقيفه ليش هذا الحقد والبهتان=ياأهل أهل الظلم والجور يامعشربني سفيان عن حكَي حرمتوني باجر اشتكي أمري عند الواحد المنان وكَولن ذوله ضلموني اريدن حكَي ياديان وكَولن همه ذلوني=وخلف الباب عصروني وكسرو ضلعي ومتوني من عدهم أجانه الضيم وكل الي سده علينه نواسيج بكسر ضلعج يوم الهجمو أعلى الدار=والمحسن صكَط منج وبظهرج نبت بسمار ادركني ياعلي صحتي جرد سيفك البتار=ذوله الحقد عاميهم منك يطلبون الثار يردونك تبايعهم خلفو منهج الجبار=كَالو عن النبي يهجر ماوصى بعلي المختار حاشا للنبي يهجر=كلامه من الأله يصدر وكلمن خالفه يكفر خالد مستعر بالنار والناصبي مسمينه واسينه يازهره اليوم بعراكَي الصفه مجروح=عفنه ديار اهالينه غربه والفرح مذبوح قهر يا فاطمه شفنه وخلصنه العمر بالنوح=شعبنه تهجر تغرب أعدام وبالظلم مفضوح تحملنه العذاب الوان طالت والحمل مطروح=عن حسين بعدونه وعن كَبره شيصبر الروح مانكَدر نعوف حسين=وعنه ماندير العين نضل أعل العهد ماشين حسين الثوره والعبره لدرب الشرف هادينه يازهره الدليل انصاب ذبحو مرجع الامه=ياحيف والف ياحيف حسافه أعل الكَبر ضمه قائد مقتدر مغوار جريّ وواضح الجلمه=شجاع ومايخاف الموت داعه بثار ابن عمه مرجع والجفن ثوبه وصلى بعزم وبهمه=جمعنه للصلاة صفوف وبالكوفه جرى دمه صلى بمسجد الكوفه=رغم الموت وحتوفه سيد الصدر مانعوفه هو المرجع الثائر والحقق أمانينه على نهج النبي المختار ابوج المصطفى الهادي=نمشي ومانهاب الموت بسجن ورهاب مانبالي نضحي أرواحنه للدين ونبذل كل ثمن غالي=نحارب منهج الظلام بأمر الواحد العالي هدفنه واحد نريده ومايتبدل بثاني=نريد الحاكم المسلم مو طائفي وعدواني يحكم بالعدل واللين=حكم بالشورى بالتعين دستوره أصول الدين حاكم متقي وعادل ويقدر مأسينه