عــــدد الأبـيـات
0
عدد المشاهدات
2117
تاريخ الإضافة
28/11/2009
وقـــت الإضــافــة
5:56 صباحاً
ردت انـه اكتب شعر وامدح ابو الحسنين
لـسـاني وكَــف ونـعـكَد مـا كـملت بـيتين
راسي ضربته بالقلم ولطمت عل الخدين
عـضيت أصـبع نـدم بـسنوني عـل النابين
حـاجيت روحـي وكَـلت شـبيك يـا يـاسين
الـعـذر مــا يـنـفعك اكـتب ولـو سـطرين
نـاديت وّحي الشعر يهبط علّي هل الحين
و ناجيت رب العرش وادركني يابو حسين
انـت الـوالي يـاعلي وانـت ابـو السبطين
انـــت الـــذي ضـربـتـك تـعـادل الـثـقلين
مـرحب شـطرته وعـمر كـل واحد بنصين
فــاروق انـتـه وعــدل وانـته ابـو الـنورين
انــتــه زوج فـاطـمـه واســمـك بـعـلـيين
بـسابع سـمه يـاعلي مكتوب عل اللوحين
وبـيثرب ومـكه ومـنى تشهد الك الصوبن
حـبك بـدمي سـره مـن راسـي لـلجدمين
حـبك بـروحي صـفه وصـار الـضوه للعين
لـــولا ك يـاسـيدي مـاثـبت ركــن الـديـن
مـحـتار شـأكـتب عـلى قـائد بـدر وحـنين
شـلون كَـلي أمـدحك وانـته ابو السبطين
مـايـحـتـويك الــشـعـر يــاسـد الـكـونـين