چلــبـت گاع الله بـذيـال الـحُـسين         تگلـــه بـذيـالـك اخــذنـي امْـلـثمه
انـتـه اخــر نـور مـن اهـل الـكساء         ابـقـه اريــد ويـاك اعـيش الـغانمه
انــه مــن نـفحات دمـك خـضريت         والـثـمـر والـشـجر گبــرك سّـلـمه
وبـجـسد امــك وابــوك اتـشرفيت         ومــن نـسـل امـك ربـوعي غـانمه
مدري كون الله شعجب ماكله زال         بـيـوم غــاب حـسـين عـنـه ويَـتّمه
الـكون گال اصـبرت نـاطر للظهور         نــاخـذ الـثـارات نـجـلي الـمّـظلمّه
هــذا تـاريـخ الُـحسين لـكل زمـان         ويـــن تــاريـخ الـطـغاة الـمـجرمه
لـلانـس والـجـان مـفـهوم بـلـغات         دم ابـــو الـسـجاد ثــوره يـتـرجمه