من بعيد نزورك ونكسب اجر جيت ازورك عن گرب مو بيدي بلهفة الماضاگ فرحه وطعم عيد وانه بس يمك احس بعيدي ياحُسين وانه من اندب حُسين=مثل ندبت آبن حنْ لوالده وفرق بين اليندب ويّمْه أبوه=وبين آبن الوكت غصبناَ شردّه ياخليلي وماآليّ خلٍ سواك=ترضه خلك ياخليلي تبعدّه وانه اجيتك انزف وكلّي جروح=وعليّ تدري سيوف وكتي مجردّه ومثل حرف الآلف صرت بوسط لام=وجرحي من لائك حُسين مضمده اشكي صفناتي الذبح وسط الغروب=الدمعه بالصفنات تنزل شارده اشكي دمعه ليل والحسبه صهيل=مهره ملجومه بسجن ومگيده ياانيس الروح يل بيك النفوس=يطيب الّه النوح والتغريدي بلهفة العايش غرب بيكم يلوذ=بغيركم مالاذ رغما ً عل العده الهمه ماينزاح ينزاح بشعاع=الگبه لو لالت وعينه تشاهده ومن يطب ارضك حضن گلبه التراب=والگلب گض التراب يناشده ياتراب الماشفت مثلك تراب=خالدٍ يتراب بالّي خلّده شلون ادوس عليك يتراب الطفوف=وانه گصتي اعليك فرضاً ساجده مايصح اصلاً ركوع ولاسجود=الا فوگ تراب دمك أيده نفحة الدم الذي ثار الله بيه=شلون ادوس تراب ربك مجده وانه ادري بگصتي ماتمسهه نار=باليقين وهل الخبر متاكده لآن سجدتت فوگ تربة ّ لامست=جسد مّلاك الجنان وقائده نزل گلبي وعگر جدمي من المسير=وجسمي فوگ تراب ارضك مدده يريد كل جسمي ابد متمّسه نار=حتى يوم الحشر يعرض شاهده خاف جسمي يروح للنار بذنوب=والذنوب هواي من حظي الرده هناك يشهد يعترض يحچي التراب=هل الجسم بالجنه حتما ً مورده زحفت جسم وروح متعني الضريح=وروحي مني بعيد فرّت شارده گبلي تركض روحي وتشم الضريح=وترد ليه تعين جسمي تساعده جسمي فوگ الروح يزحف على الجروح=وروحي فوگ جروحي تزحف عامده ساعه بيه تصيح عجل بالزحوف=وساعه تركض للضريح تعايده صاح جسمي لروحي رديلي تعاي=الجسم مابيه روح جثه هامده روحي بخت جسمي من نفحة هواك=ياهواك الجنه بيه آمورده وجسمي اصبح ريه ويشم بهواك=وروحي ريه وصرت كل ريه بحده ومن ترد روحي الّي انهض واطيح=مثل طفل اصغير بالممشه بده ماطحت فد يوم بس يمك اطيح=جبل شامخ رغم جور الحاقده طحت يمك والف هنيالي من اطيح=طيحت النجمات خرّنْ عابده اصحه انهض انچبح اركض واگوم=گومة الملهوف عبد لسيده مدري والله شلون طبيت الضريح ؟=وانه احس مشلول وأيِدي إمبريْده لاحچيت ولاشكيت ودمعي سال=ودمعي يغسل همي مني يفرهده نزل دمعي وصاح سلم على الحسين=آحسين بچفوفه لسلامي يردده دموعي تقره زيارتك تبعث سلام=ورد عليه الصوت جرحك سانده هلا بكلمن زارني وبيه عرف=نعم بالمگصود يعرف گاصده گلبي بس يمك يحس خير وآمان=ومن يشم اطياف گبرك تسعده روحي گبل الجسم طافت بالضريح=ثگل جسمي ونشف دم وريدي ماشفت فضه وذهب شفت الحسين=واگف ايحيي الجموع الحاشده وحس بيده يهفي وانشع من هواها=نام گلبي وحضن زنده اتوسده وشم نسمة طيب نزلت على الجروح=ارياح جنه وعلّي هبت وافده اشهگ وانشغ تفززني الدموع=وترد ليه الآيد وگلبي تهدده ساعه تدمع عيني من غصبن عليّ=وساعة تدمع بالطمع متعمده تطمع بلمسة حنان من الحسين=حتى خدي احسين بيده يمسده وشفت كل خد الشرب دمع الحُسين=مثل خد الورد ويلامس نده جيتك بلهفة غريب ومالي عون=وانته ادرى بغربتي وتشريدي