الإعتذار الحاج أحمد الأكرف عذريني عذريني..گطعو العدا چفيني طاح اللواء يا زينب و السهم صوب عيني تعرفيني ياختي زينب=عندچ علم و دراية عن محملچ ما اغفل=فيدي ترف الراية گلبي بطوعچ و امرچ=و عيوني لچ و حشاية ما دام راسي سالم=و ايدني لچ حماية تناديني تناديني=گدامچ تشوفيني عند الطلب يا زينب=گدامچ تشوفيني عذريني عذريني..گطعو العدا چفيني طاح اللواء يا زينب و السهم صوب عيني وصاني بويه حيدر=وصيته متعهد عباس قلي عينك=عن هلوديعه لا تصد من يوم ما وصاني=بالعهد انا متفرد لو عمري تطلبينه=افديچ عمري و ما رد توفيني توفيني=عباس يا ضي عيني يبني تكفل زينب=لمن تغمض عيني عذريني عذريني..گطعو العدا چفيني طاح اللواء يا زينب و السهم صوب عيني انتي أمانة عندي=من طلعتچ ويايه قومي تعالي و شوفي=جسمي بالمسنايه غصباً علي يا زينب=يختي ماهو برضايه غصباً تردي بدوني=لا تعتبين كفايه ذكريني ذكريني=عند المحن ذكريني و ارجو السماء حامنچ=و مسامحه عذريني عذريني عذريني..گطعو العدا چفيني طاح اللواء يا زينب و السهم صوب عيني يختي انا وشبيدي=مكتوب هذا ليه ويرين يختي بشده=بعد الخدر مسبيه اشلون احمي خدرچ=و مگطعات ايديه عين اللي انظرچ بيها=يختي بسهم مطفيه تنظريني تنظريني=لو تگدري توصليني سابح بدمي يختي=ماظنچ تعرفيني