في شجاعة القاسم و شهادته عليه السلام بسما ركب جاسم و اقبل عليها=حط بيها المنايه او قطع تاليها حط بيها المنايه او قمع تالي القوم=او خله اجسومها ظلت طعم للحوم جر غدارته او ذبها على الصمصوم=او قبر ويدها او كثر نواخيها قبر ويدها او بالحرب وج نيران=او خله الزلم تخفج و اعتنه الفرسان او اصروعها او ذبها على الجيمان=اخذ جيدومها او قوم مساميها اخذ جيدومها او ضيق عليها البيد=امن هظل الزلم قبر اصياح او ويد اتخذف خيل او زلم من يجبل امن ابعيد=او تصيح الكل علينه السا يتاجيها عليها انقلب بيده امشعشعه او مستر=او قصفها ابن الحسن عوسط العسكر بلا تشبيه جن هذا السمه اتكور=فوق الأرض من كثرة بلاويها كثر موت الزلم و العسكر ابشده=او سبعين ألف طشرهم فرد هده وقف شبل الحسن عن الخيم سده=مثل سدة اسكندر من يدانيها من يدنه او لعند امخيمه حط سور=او شبه دور الرحى بالخيل قام ايدور مثل نفخة اسرافيل النفخ بالصور=اهو بالخيل ينفخ لو صرخ بيها صرخ بيها او يخسه اليوقف اقباله=او ياهو المال عنه يا سعد ناله جن ثعبان موسى الرمح من شاله=يخطف انفوسها ما يخطف اعصيها مثل ثعبان موسى الرمح شاله او لاح=او من يجبل عليها ايخطف منها ارواح سواه امن الدمه ثامن بحر سفاح=امن عج الرمك ثامن سمه اعليها سواها او تقحم كل شديد الباس=ذبه ابمرهفه و شرق عليه الطاس ألف وسفه اعلى جاسم منضرب عالراس=طاح او بالخيم كثرت نواعيها طاح او فوق جسمه دركلت صوبين=او صاح او من سمع صوته اعتناه احسين شافه امطبر اموسد امغمض العين=شاله او للخيم جابه او وصل ليها بسما وصل ليها طلعت اسكينه=او صاحت بويه جاسم جبرتي وينه عسى ابعيد البله موذر امخلينه=او هذي حوفته المن يخليها هذي حوفتك يمعذب الفرسان=او ذيج امنصتك يا شمعة الصيوان نايم يا شريج الروح علتربان=او عمك للعرس خيمتك بانيها مبنيه العرس جاسم او مطروفه=دقومينه يعمه انحني اجفوفه او عدلي امنصته او نسلي له ازلوفه=او كلجت هلهلن بطلن بواجيها كلجن هلهلن له او ندبن العباس=او حشمن له علي الاكبر شديد الباس ودن للحسن عمي اليشيل الراس=يجي لابنه او عمامي الساع يطويها يطويها العرس جاسم يزفونه=او يحلون الدرع عنه او يذبونه و اريد اهدوم عرسه السا يلبسونه=او هذي حنة اجفوفه يحنيها اشلون الحسن لواجه او شافه امطبر=علتربان نايم خده امعفر قلبي احسين منه اشلون يتعذر=جا هاي الوديعه ايصير تاليها