في مبارزة العباس و شهادته عليه السلام طلع من الخيم عباس او برز=ابيرق سيفه الروس عدوانه فرز لاح ظهر اكحيل و تعنه الظروس=فتك بيها او سلب من عدها النفوس شرقت روس او ذهل بالحومه الشوس=او ركن للحق فوق باطلها ركز لبس ابرمحه صناديد الجموع=حين لاح الغوج و ارخه للصروع اظلمت او تمت مساميها تلوع=و ارخص ابسوق الحرب سوم الثمن تظن له اجموعها ابصدره تجف=لا و حق الله و هم سبعين ألف القلوب اتقول رايات اتخذف=من صرخ بيها فرثها و ارتجز مفتره مرتاح مستر مبتسم=للحرب مدرع ابدرع من العزم ما يهاب الموت و بجفه الحتم=و النواصي اليوثها شرق اوجز حابط اعليه جمع بيه تاه العدد=ما رجف ما خاف ما عزمه برد سور جن المرهف ابجفه رجد=عجز ملج الموت و هوه ما عجز اتلملمت و اظلمت او صكت على=دربه او عجها مله جوف الفلا خله طوفان الدم ابطف كربلا=سيل يجري ايسيل لو من ماي حز غضب ضهظب ضرب غوجه و اعتنه=اعلى الشريعه و يحسب طلق الجنه غيد و الجوده مله او ناده انه=شبل حيدر عين العينه او خر آه الف وسفه دناه امحتمه=يمنته طارت او خر امخذمه شاله باليسره او غوجه قحمه=الموت ويه اليوثها خلاه لزز وقف معبس مكظم او لاوي الجيد=و بسويده احشاه نيرانه تزيد آه لن بالراس عامود الحديد=القدر قدر بيه نشا شيبه او رز بذل دون الخيم نفسه او دون اخوه=ما ذعن ما ذل لما خر او لوه بالطبر و الطعن جسمه خذموه=و بد ما ظل عظم سالم له يهز