في شجاعة الهاشميين و شهادتهم اليوث هاشم ما تذل انفوسها=او كل وقت ثوب الفخر ملبوسها اهنا يمادح ما تقلي انته اشدهاك=تفخر او انته المدح بيهم جزاك من ارضها شامخه الجيد الافلاك=يخسه من قابل تهبط روسها ما تهبط روسها او تقضي المراد=تشهد الهم كونها او سبع الشداد ادعو اركاب الخلق زرع الحصاد=او خلو الخيل المروج اتدوسها اتدوسها الخيل او ميها تضيع=و الشرد من كونها ماله منيع عركوها الكربله ابفيض النجيع=و اللشي شبه النفوس اطعوسها اطعوسها امن اسيوفهم ضلت تلوع=او ذاري صارت يالهوه ذيج الجموع اسيوفهم قصت ملابيس الدروع=او لا منع عنها نبلها او قوسها ما منعها قوسها او روس الحراب=او سال دمها اعلى الثره سيل السحاب الموت من هاشم يفصلون الثياب=و المنايه راضعه امن اديوسها اديوسها ربتهم او خلد الشكوك=او ما كثر بعيونها جمع اللكوك اسيوفهم صارت عرايس الملوك=شيعوها و الركاب اعروسها اعروسها اومت عليها جنها سور=حايمه او جيمانها منهم تمور يشهد الإنجيل بيهم و الزبور=حيث اهم فرقانها او ناموسها يشهد الفرقان ما إلهم مثيل=اسيوفها كلها على الحد ما تميل بالمنايا لوله ما أمر الجليل=خاليه يلقي الارض جاسوسها خاليه يلقي أرضها او لا بشر=من محوها اشبول حيدر بالقدر لوله ما ينزل أمر عالم الذر=ابكربلا ما سلمو لخسوسها سلمو لخسوسها او عافوا الدار=قالو الرب ماخذ اعلينا قرار لو تشوف اعيالهم بيهم اشصار=من ولوها و انقطع مأيوسها امن انقطع مأيوسها بشلون حال=بس حريم او حايمه اعليها الاطفال سلبوها اوآمر ادنو الاجمال=ركبوها اودق طبلها او طوسها دق طبلها و الحرم ظلت تعول=رادت اتودع جثثهم ما تنول امن البواجي او دهشة الخيل التجول=خافيه ابكثر البواجي احسوسها