في رثاء العباس عليه السلام ردنه حيدر كربلا بيها يشوف=اشلون ابوفاضل القدها اعلى الصفوف من لقدها صار يخطف للنفوس=ارض ما تنشاف بس منثوره روس صار اهو العريس و الكون العروس=اوهيه تتثنه او مسبوله الزلوف اتبسلتله أم الحرب لاجله تموج=او كربلا كلها من ابو فاضل تلوج الشرد منع و المصوب يفوج=كثرمها او جرت وديان الطفوف الطفوف اتسيل من سيفه المخيف=او عوجه جنه الحوم لجناحه رفيف من ركب و انشاف صار الهم رجيف=شبل حيدر بالوغه يومه امعروف كلهم ايعرفوه الباري سلطه=ويه رمشة عين عنهم ما بطه حوم و تلولح على اسرب القطه=فرت ابجنحانها ذيج الرفوف ارفوف صارت هجت امن ابن الفحل=او دوي صار الهم مثل دوي النحيل قام يتهلهل فرح ذاك المحل=مطرب او باسم لمع السيوف مطرب اعلى اسيوفها بيها رعيد=شبه صعصع لم زلازلها او صعد ابيومه عزرائيل ذب كف يد قعد=او ظل بداله سيف ابو فاضل خطوف ارواح يخطف يشبه الداحي الباب=او حرب ابو فاضل مثل يوم العذاب من وصلهم هدد اعبر الركاب=أولو اسكندر ما قدر للدم يروف من يروف الدم و بو فاضل فزع=او سيف اله بالكون لمع امزن لمع اشحال قلب احسين من حين الوقع=قعد عنده او شافه مقطوع الجفوف اجفوف مقطوعات و الراس انفطر=سال دمع احسين يشبه للمطر صاح يا خويه الظهر مني انكسر=يا بدرنه اشلون غطاك الخسوف غبت عني و انته لي سور حديد=يا صواجع من سما او ذبها الرعيد اشلون اظل عقبك يبو فاضل وحيد=او جمعت كوفانها او صارت ألوف قال خليني ابمجاني و انتحي=هذه امر الله انكتب ما ينمحي و اعدت سكنه ابماي او استحي=الثالثه بيه نزل وحي الحتوف