أرد اعاتب كربلا اعلى ضيوفها=اشلون ويه اهل المجد معروفها من اسولف لك بهلتنشد اشصار=ما يشف دمعك ابليل اولا نهار اسباطعش مهبوب من غير الانصار=اجسوم ضلت علثره ابلاهوفها أرد انشدج وين ابو فاضل الحيد=جاوبتني انقطع من عنده الوريد و انفضخ راسه ابعامود الحديد=او جثته فوق الوطيد اجفوفها ارد انشدج خاف جارين المشد=وين الاكبر وين عباس الضمد جاوبتني انتحب للنوح استعد=او خلي عينك تنهمل بهدوفها ارد انشدج جاوبيني بالصحيح=وين وقفت زينب او قامت تصيح يا حسين ابيا كتر طايح جريح=او هاي خيل اعداك جتنه اصفوفها قامت اتنادي او دمعها ايسيل دم=يا حسين القوم اجتنه للخيم او عسكر ابن ازياد يمهذب هجم=اعلى الطنب عقبك يا بن موصوفها احسين حين السمع زينب نادته=ثورت بيه الغضنفر شيمته نهض من الأرض لاجن جبدته=بالسهم طلعت او عينه اتشوفها دنت زينب ليه لاجنها هوت=فوق جسمه او نادته اخيامك درت ابنار و اطفالك يبو اليمه نوت=ليك قلي اشلون ترضه اتعوفها ابشيمتك جينه يبن فحل الفحول=من وطن جدنه النبي الهادي الرسول بالمدينه من ينشدوني شقول=ليش ضل احسين برض اطفوفها اشلون اقلهم طاح عاري ابكربله=امطبر او للساع محّد غسله او قامت اتمر وره اطيور النافله=آية الله او بيه تم احروفها ترضه خويه يرجبوني اعلى الهزل=ترضه خويه امشي او دمع عيني تهل ترضه خويه من عقب عزي اذل=و آنه خوتي الموت لمضى اسيوفها ترضه خويه اتعوفني ابهذا الظلم=ترضه خويه اللي يباريني الخصم ترضه خويه اينوبني عقبك هظم=و العليل امقيد او مجتوفها ترضه خويه اتعوفني بين اللآم=ترضه خويه امجتف اويانه الامام ترضه خويه توصل الديرة الشام=و آل اميه اتدق ورانه ادفوفها