في رثاء الحسين عليه السلام يسيف الموت المقدر=يسبع الكون المسمه اشلون اسيوفهم ترتع=منه او تشرب ابدمه يسبع الكون من مثلك=فضلك عيب اله عداد صالح جنك او بو هود=من افنو ثمود او عاد اوتاد الأرض جنت الها=و السبع الشدايد اعماد حين اتقنطرت ماجت=تبدل نورها ابظلمه ظلمت مشرج او مغرب=و اغبر الدهر و الكون حين اتقنطرت من فوق=مهرك على الأرض مطعون تاه الفكر من وصفك=ما ندري ابصفاك اشلون إنته العرش و اركانه=اشلون الواسعه اتلمّه تلمّك سيدي الوسعه=و هيه ابراحة ايسارك و لو تفنى جميع الناس=ما تفضل عشر ثارك اولادك و هل بيتك=و خوتك طبق و انصارك تناديهم و هم دونك=جئت و سيوفهم امخذمه امخذمه اجسومها بسيوف=عدوانك يمولاها تموج او تضطرب و تريد=تنهض حين تنخاها سكنت جنة الفردوس=و خذتها مناياها أيّس و استجبت عينه=و عليها كثر همه همه الحرم و اطفاله=او متحير او متمحن ما يقدر يفارجهن=عليهن بطل حيدر ايون سبعين الف مطوس بيه=دارت و السيوف اترن صول على الصفوف احسين=مفرد و الكفر لمّه عزمه عزم ابوه حيدر=بالعموله عليه ايزيد أبوه بالكون عنده اصحاب=شبله بالصفوف أوحيد عليهم نزل جالطاعون=من الله اولونّ ايريد محاها لاجن ابصبره=تلفه اسيوفها او عزمه حلمه حلم جده اقران=صبره شبه صبر ايوب يوسف بالسجن جنه=او حزنه حزن يعقوب لون ينحط عطش قلبه=على كل الجبال اتذوب قلبه و العطش و السيف=سويه واضحت ابصمه