في استنهاض الامام امير المؤمنين علي عليه السلام سيف يامن للنبي وعساله=حسين مايخفاك بالطف حاله يبن عم المصطفى وياساعده=يمن بيدك رايته ومهنِّده ماتشوف حسين مابين العده=ونال من چبده الدهر ماناله لاچن ابنك لوعليه يحمى الحرب=نشف عزمه ونبجح منه الگلب ولو چهب عالخيل ينشبها الرعب=وتهج والمحتوم من يدناله ماوجد مثله وعليه اتجمِّعت=رحم العراگين ولحربه مشت مِفرِد ابيناتهم شبلك ثبت=جبل شامخ مايزول اضلاله ركب راحلته وشبيهك لو ركب=لاچن اعلى الگوم ياحيدر خطب ناده الكم دين سابج لوطلب=عالنبي المبعوث ارحموا اعياله هاي كتب اشيوخكم ليَّه لفت=عجل اينادون ماوالله انفت گطع منها العذر حتى الكل سكت=لاچن اهل الغدر تتاخاله حاربوه اعلوج اميَّتها العبيد=گصد من عندك يبن حيدر نريد تقر بالطاعه لبن عمك يزيد=وتحط يمناك اعلى چف اشماله من سمع مگصودها هذا النفل=زعل حيف البطل مِنَّه اينزعل ناده اي والله الف مره انچتل=دون عز المايغيب اهلاله لبن مرجانه ولبن هند الجلف=اقر بالطاعه واسلم واعترف لاوولكن ياهله بصاع الحتف=شَهد مُرَّه وعذب وِرد ادلاله شاف ماينفع وعض بيها ويفيد=دون مايرمي الحديد اعله الحديد برز للسبعين الف لاچن فريد=عدل ماوياه من ارجاله گام يتمناك ياحامي الحمه=تگف ملزوم بثنية امخيمه ياعلي يكفيك هاي الموزمه=لاچن يريدك ضمد لعياله