رسالة على لسان زينب لأبيها (عليه السلام) ريض هاك يالناعي و خذ مني=عتب للبِلغَرّي عاني او متعنّي علي او متني خذ معصبي او مرسول=خذ مسري ابطريج الغيب بيه انزول لاجن قول قلبي من تصل شتقول=حيدر والدي لو ناشدك عني يقلها الخاطرج لقطع ادروب اخطار=و صب الدمع من دم على الوجن شطار اطب وادي النجف و انده يحامي الجار=معصب زينب او كتب العتب ذني عنك معصبي او كتب العتب ليكون=لاجن كون تنده وين ليث الكون شبل احسين قله اظعين هذا ايهون=و العريس جاسم بيش متحني اقله حنة الجاسم ابدم نحره=او شبل احسين قلّه اتوسد الغبره و قله انته الذي يالصاير بيه ادره=و قله الثار ما ينراد له اتوني لا والله او بعد تثنى او تحورب له=تقله ابحال سبع القنطره شبله و عبدالله الطفل مفطوم بالنبله=او قله او بعد شوشتريد سايلني جي ما قول قوم الشبلك اشوفه=و قله اعلى الشريعه امقطعه اجفونه و قله طاح طاعون اعلى اهل كوفه=دعه بكل دار منها الصياح امجني ارشد و النعي لحسين مضمونه=ما والله وره ابن امي ولا دونه اخبره امبهجة الزهرا او ضوه اعيونه=تنام انته او عدوك نام متهني او قله امن المدينة او تحضر ابا يوان=مع بعد المسافه او تدفنه السلمان ليش احسين خليته يعالي الشان=عنك يوم واحد خيبت ظني عنك يوم واحد جى ظل مطروح=عنك يوم واحد جى يساره تروح انوح او ناوحتي الناوحن بالدوح=احن و البل تنوح اللوعتي او حني احن ايتام عندي او حرم و الي اتريد=هذا انصاف و احنه اشراف نقطع بيد فوق النوق و السجاد غل او قيد=فوق المحنة الوياي محني محني علي السجاد جى يرضيك=مسبيات خذركم للمعاديك جى يا والدي تقبل الغيره البيك=بالمجلس اعيون اعداك تارني تراني اعيونهم اوكف ابجلستها=ما ينام لا والله اعلى هظمتها و شوف اجفوف شماتي امخضبتها=و اهل الشام عدها ادفوف و تغني و خبره اشلون بالضك من وقع يمه=امتثل و تصور الحمزه ابجتل عمه شاف الدين تشييده ابهدر دمه=او قال اميطع بسيوف العده اخذني خذنه اسيوفهم و ستقصلو كل دين=عن الطف تقله غاب شخصك وين او قله تقول زينب عقب اخوي احسين=عليمن والدي الكرار تاجلني