في خروج الحسين من المدينة من تنوه احسين و آمر بالرحيل=نوخت ابلها ابمحاملها تشيل نوخت على الباب و انوت على المسير=و المحامل بيهن الواصف يحير امزينه ابسندس او ديباج او حرير=ملك و الزيه شبه زي الحليل ملك و الزيه المثل بيها انضرب=نجل عبدالمطلب سيد العرب جد موهج ابرادة امن الذهب=ايهبه الوصف بالوصف ماله مثيل أخذ بزمامه او جدم بيه البطل=عين اتنحر على الجمعه هظل نوخ الهودج على الباب اعقل=خاف زينب تخشى الحره او تخيل آمر احسين ابن اخوه او ضنوته=علي او جاسم لن يرجب عمته واحد واحد يروح او ردته=عيت الحرة تقوم ابلا جفيل شال راسه شار اعلى العميد=شبل حيدر قمرها شمها العجيد روح لختك شوفها الحره اشتريد=خل تقوم اتمتثل لامر الجليل جاها ابو فاضل الصل الما يبوج=قرة اعيونج يزينب شبل ابوج جى ينوشج هظم عار او حي اخوج=ما يشيل الرمح و السيف الضجيل ما رضت اله او خذت منه الاهد=جابها او جدامها يمشي الاسد ركبت امن الباب بالعز و السعد=قاد هودجها شبل حامي الدخيل أخذ بزمامه الحسين او بيه سره=او عن يمينه الليث ابو فاضل بره علي او جاسم حفو اعلى الميسره=و الهواشم كلهم اصدام الجبيل حفو الهودج اسيوف امجرده=لابسه اقلوب او تحتها امزرده بين من حورب هواشم و الحده=خاف ناقتها اتعثر بيها او تميل ابعكس هالصوله جره ابحادي عشر=بالمحرم ما دروا شنهو الصدر على امسيبتها العدو قلبه انكسر=امسلبه او تقله او تحن حن الفصيل ها يا معظم عليها امن المصاب=او هاي من صاحت او ناحت بالعتاب او هاي من تتنخه او تحثي امن التراب=او هاي من تنعه او مدامعها تسيل