في عتاب العباس عليه السلام لفت عباس زينب و الدموع اتهل=تاره اتقوم تاره توقع او تعول على قبره اعولت و الجبد يتلوّه=تقله انصاف منك هاي المروه يا عباس ما هذي صفة الخوه=و الينطي عهد حاشاك ما يبتل ما يبتل حاشاك اشلون تنساها=يا عباس زينب خاب رجواها يا سردال عايلتك تقلاها=يا مهوال يالعند اللفه مهول يالمهول عجب دمكم يروح اضياع=يالمطوس او يا مدرع او يا رواع يا شم الرواسي المشرف اعلى القاع=جي ضمتك يا شم يا جبل يذبل يذبل يا ثجيل الوزن ذر او جن=قلّ عزمي يبو فاضل او خاب الظن انته الما يطخ راسك او لا تذعن=هان اعليك نهب العز او نهب الحل نهب العز او كل الحلل مسلوبات=او شفنه غيرهن كلفات مختلفات جي مناه او للكوفه او للشامات=مسبيه اعلى الهزل و هي ابلا ظل لا ظل او علينه اعظم مصيبتنه=من فتنه عسن للشام لا فتنه دق اطبول و تغني تلفتنه=كل جمهور نتعده او عليه نجبل نجبل و الغنه و الدق تلقانه=و الينطي العهد يوفي العهد شانه احنه ابين ثكله او بين ولهانه=و اهل الشام فرحانه النسه اتهلهل تهلهل بين أبويه موش ناس او ناس=يا عباس و الشارب يزيد الجاس يا عباس حط الطشت بيه الراس=هذا الباس و الهظم الذي يكتل يكتلني امن اصل يثرب ابياشوفه=و الينشد شقله امقطعه جفوفه عندي اعيال تدري اشلون مكلوفه=اشلون اصنع يبو فاضل او حملي اثجل حملي اثجل و ردن خاطري مكسور=يا مضخور من حيدر فلا معذور بمصيبة جسور او للحراير سور=يا ناطور للحمل اليقع تعدل