في رثاء علي الأكبر عليه السلام ظنوة الكرار علميمون لاح=يوقصد لشبوله الليوث ابعينها او قال بعض المله امبارزليه دنه=لاهو حيدر هلفته الحيدر ظنه هالشمايل طالبيّه امبينه=علي الاكبر هذا و ابن احسينها يا علي يهنيك لنه ابكربلا=زم زمام العز بلغ حد العله رجع علحمزه ابفعل و بمرجله=ما يسبقه امحمد ابصفينها انته لمحمد ابحربه يا شئم=لهفتك لهفة الروح اعلى الجسم لو حمل و توسط اكروم الزلم=اشما يفوج اتفج عليه صفينها تخشه و تحاذر عينه من الغلب=او لو ظمه تتدار كه ابورد العذب او علي الاكبر برز قلبه يلتهب=او قابل ابن اتمنطعش برينها نزل للميدان و ثلاثه معه=عزمه و اسنانه القدر و مشعشعه و الحسين النفل شاخص بالدُعه=او لَيلَه بالخيمه تهل جفنينها بين ما تنظر الشبل المرتضه=لن تغير لونه و اصفر ابيضه نادته عارض الشبلك عارضه=او هاي همتك هل بدت تبيينها و هو يكلها ما على الاكبر انصاب=لاجن امصيت برز له او بعده شاب جدي وصاني دعه الام يستجاب=طبي و ادعي ابساحة اصواوينها طبت ابلهفه الغريبه للاطناب=نادت او كشفت البرقع و الحجاب ابعطش جبد احسين و ابغصّة المصاب=للغريبه الحين رد اجنينها رد علي الاكبر على القوم انتصر=او للمخالف بكر بن غانم طبر لجن من حر العطش جبده انفطر=و بحشاه ايشب لهب سجّينها رجع لاجنه اشرجع لمخيمه=ابلهفه و ينادي يبن حامي الحمه ما بقا لي بعد مهجه امن الظمه=و انته بيك المعسره تهوينها جاوبه او ظلع الزجيه جدتك=جبدتي اظمه و احر من جبدتك و انظر امك و الاطفال او عمتك=ظاميه و المشرعه والينها اخذها الخاتم يعينك بالرشف=او للحرب سدر مع النصر ائتلف و انتظر ساعه او ياتيك الحتف=يبني و تبادر لعد علينها