في رثاء مسلم بن عقيل عليه السلام خل تحورب هاشم او عدنانها=الثار مسلمها الغده ابكوفانها حين حاز ابن الوصي داحي الباب=اتنعش ألف اكتاب من قوم الاعراب كتب ليها اكتاب لاجن الجواب=باعث الكم ثقه او سر إيمانها ناده ابو اليمه يمسلم يا نفل=لفت ليه اخبارها ابلايه فعل لابد انشدج على الغوج او ترتحل=لاهلي العراق او تذل طغيانها طلع من طيبه ايا معنه طلع=مرهفه الايمان و سنانه الورع محتزم بالدين بالتقوه مكبع=او سار بفجوج الفله او وديانها أربعه اتخبر ابدال الراحله=النصر و الصبر وياه حامله او درع منسوج ابصفات المرجله=او عفه ما تصح ابربع وجدانها او بالدرب فنه على هذي الصفه=طاعة الباري او ذكر المصطفه حته طب و الكوم غضبه امحالفه=كفر ما يبارح الشر اوطانها أولفت لعنده او رواياها ترف=بايعت و ابصوت سلطنته انهتف او بالفريضة اتجمعت سبعين الف=حين خلص ما بكه امن ابيانها عكب هذه سدر لاجن منخذل=الدار هاني او قصد صاحبها النفل ماره ابمعقل الفاجر و النذل=يخبر اعليه البعيد أوثانها طلب هاني او حين بالمجلس حضر=عاتبه و السوط يلعب عالثغر سمع مسلم بيه لاجنه سدر=الدار طوعه و استظل بركانها شافته مسلم او بيه استبشرت=نشدته او حيّت ابجيّته او مرحبت لاجن الحره بعد ما حسبت=يخبر اعليه الرجس فتّانها قصد مجلس عادته الشر و الغدر=ناده يامير البشاره ابهالأمر عندي مسلم عجل اعليه لا يفر=من سمع حشم عليه جيمانها مسلم ابحين النظرها اتعنته=طلع لاجن حالتين التبعته همة الكرار عمه او شيعته=او فعل ما راد اببني كوفانها حمل و الاربعه أوياه ابحملته=شيمته و القدر عزمه أو همته ما نخز الا المصيت طعنته=او مرهفه يختار من شجعانها اتحاشمت و تكاثروا عليه الحريب=أبصخر يرموه ابقصب ناره لهيب مسلم اببيناتهم مفرد غريب=للنهال العاصف ابنيشانها لون ما ينخدع بالالفاظ الامان=و الدهر حالف الموت او بيه خان بالحفيره وكع و التعبد اوثان=جلت اعليه بالمواضي أوزانها من عكب مجتوف جابوه للقصر=او قلبه من حر العطش يلهب جمر صار بيده الماي لاجن الامر=منع و اعلم بالامر رحمانها طب لعد مجلس الميشوم الشرير=نادو الحراس سلم على الامير كال اميري مهجة الهادي البشير=احسين و بمحمد الانسها اوجانها آمر اعلى اثنين من المشرجين=اصعدوه للقصر ما وياه معين صله ركعات او غدت تهمل العين=على الساده المجبله او شبانها ويل قلبي اعليه شاجر و من فعل=امن القصر ذبوه من عقب الجتل يالعلي شدوا برجليه الحبل=و انسحب و تشمتت عدوانها