عتاب زينب لأبيها أمير المؤمنين عليهما السلام دنهض يحيدر شوفني بيا حاله=يا علي الهادي فوق المطيّه و دمعتي همّاله=يا علي الهادي يا ليت ابو الحسنين يلفي بغاره=يشوف السبايا و يشوف شبله حسين ويّا انصاره=كلهم ضحايا أجسادهم ظلت بليّا موارى=بغبرا عرايا و شيخ العشيره حسين محّد شاله=يا علي الهادي يا سطوة الباري على عدوانه=يمشيّد الدين ذبحوا العزيز و سلّبوا نسوانه=و كل الخواتين و النار شبوها بوسط صيوانه=ترضى يبو حسين وسياطهم تتخالف على عياله=يا علي الهادي و انا اللي كنت مخدّره و محجوبه=ابّيت النّبوّه أركب بليّا قناع والله عجوبه=يهل المروّه و ظهر الجمل ويني و وين ركوبه=ينحل القوّه و عليلنا يعالج بثقل أغلاله=يا علي الهادي يا ليت أبو الحسنين يدري بيّه=عقب العشيره فوق الهزيله مسلّبه و مسبيّه=و امشي يسيره ان كان شق لحده و تعى ليّه=صاحب الغيره و من اليسر فكني و فك اطفاله=يا علي الهادي ساق الظّعينه و عزوتي مطروحه=فوق الوطيّه صرعى و عليهم مهجتي مجروحه=غصبٍ عليّه لو يتركوني بدمعتي المسفوحه=والله بديّه غسّلت اخويه حسين ويّا رجاله=يا علي الهادي ويّا الغرب والله كلف ممشانا=من غير والي و الرّوس جدّام الظّعن ويّانا=قلّي اشحالي و سنان راس حسين فوق سنانه=لوّحه قبالي و لا راقب الله قبال وجهي شاله=يا علي الهادي