اُمّ البنين حين سمعت الواعية : هالجاي من ابعيد ابعثوا له=اُوخلّوه ينزل عن ذلوله صعب علي ما اَقدر وصوله=من كثرة الوقّاف حوله سمعوا حكيها واذكروا له=جاها اُوحبس ليها ذلوله نادت اُو عبرتها هموله=ياللي لنا سوّيت صوله اُو بارض البلد سوّيت جوله=باسايلك بالله اُو رسوله يوم التقت دولة اِبدوله=يا هو من اُولاد الحموله يوم الحرب ياهو الحكوا له=اُو زادت على الشهرة اِفعوله العبّاس راعي الزود لوله هوّن يناعي خير مفقود=بالهون ما ظلّت لنا اكبود باسأل عن اهل الفخر والجود=ياهو بقى اُو يا هو المفقود اُو يا هو اللي فيهم صاحب الزود=نادى اُودمع العين ممدود صغير اُو كبير الكل محمود=سبعين ماحد فيهم اردود الله اُو خلقه كُلهم اشهود=عبّاس فيهم صاحب الزود جاهد اُو هو مقطوع لزنود