في رثائهم عند رجوع النساء إلى مدينة جدّهم (صلّى الله عليه وآله) : دخلنا الشام من باب=ايسمونه أبو الساعات وقفنا يا له من موقف=أبد مثله فلا يُوصف اُوكل من جا صفق بالكف=علينا أعظم اِمصيبه وقفتنا يبو الساعات وقفنا وقفة الذلّه=معانا منحل العلّه اُو شملنا صاير بقلّه=اُو خجالة صارت اِعلينا وقفتنا يبو الساعات يخويه بدّلوا لينا=أسامي غير أسامينا خوارج هم يسمّونا=عسى مهدوم ذاك الباب ايسمونه أبو الساعات ولا دولة ولا فزّه=ولا نهضة ولا عزّه ولا جعفر ولا الحمزه=وقفنا اِباب يا محمّد اِيسمونه أبو الساعات حرمكم في بلد كفّار=طلعوا اَصغارهم واكبار علينا ينبلون اِحجار=عسى مهدوم ذاك الباب ايسمونه أبو الساعات ولا جانا علي الكرّار=ولا جا حمزة المغوار ولا جا جعفر الطيّار=عسى مهدوم ذاك الباب ايسمونه أبو الساعات عجب يهلي نسيتونا=نخينا ما لفيتونا على منهو ثكلتونا=عسى مهدوم ذاك الباب اِيسمونه أبو الساعات بلا تغسيل يا عمّي=أجانب دفنوا اِخوانك على الرمضا ثلاثتيّام=بين المعركة اُولخيام يعمّي اُو فرهدوا الأيتام=أجانب دفنوا اِخوانك جنايز فوق رمضاهم=ماحد جا اُواراهم يعمّي امكسّرة اعضاهم=بلا تغسيل يا عمّي أجانب دفنوا اِخوانك صرعى كنهم لبدور=على الغبرا ابليا اقبور لا سدرٍ ولا كافور=بلا تغسيل يا عمّي أجانب دفنوا اِخوانك بني اُميّة افعلَت أفعال=منها اتزلزلت لجبال روسٌ بالسمر تنشال=بلا تغسيل يا عمّي أجانب دفنوا اِخوانك يليتك ناظر العبّاس=على الغبرا بليّا راس يعمّي اِمخمّد الأنفاس=بلا تغسيل يا عمّي أجانب دفنوا اِخوانك