ندبة لصاحب الزمان عجّل الله فرجه وسهل مخرجه ، إمامنا الثاني عشر ، وقد اعتنى له ملاّ علي بن حسن بن فايز الإحسائي أصلاً ، والبحراني منزلاً ، والحالي مسكناً ، تغمّده الله برحمته وأسكنه فسيح جنّته ، وحشره الله مع أئمته (عليهم السّلام) : يخير الورى يبن الأطايب=يغايب ولا ينقال غايب الدِّين انكسر والشرك غالب=اُو شيعة علي راحت شعايب واعظم امصيبة امن المصايب=جدّك ذبح يابن الأطايب واَبقى على وجه الترايب=كالبدر واَنصاره كواكب غسلهم دما هذى عجايب=اُو نسوانكم يابن الأطايب خذوهم على اِظهور النجايب=إلى الشام ودّوهم غرايب اِتنادي ولا ليها امجاوب=اُوجدّك أبو الحسنين غايب اُو دور العلم أمستْ خرايب يراعي الفضيلة اِبكل معنى=يمحروس من ربٍّ خلقنا الذل يبو صالح شملنا=شربنا مذلة وانهضمنا اِدركنا ترى احنا اليوم ظعنا=واعظم مصيبة شيّبتنا جدّك ذبح واحنا افتجعنا=والخيل جت اترضّ متنه اُو لنصار حوله ابغير دفنا=والكُلّ راسه فوق لذنه خذوهم باطراف الأسنّه=قم بالعجل واجدب الونّه عبّاس من دمّه اِمحنّا=اُو لكبر علي ذاك الفجعنا اُوجسّام ابعرسه ماتهنّا يراعي الفخر والزود كلّه=أشوف الصبر ماهو امحلّه اِنهض إلى احسامك اُوسلّه=اُودمعك على الخدّين هلّه على اللي ابدمه صار غسله=ثلاثة على الرمضا امخلّى ولاحد عليه اليوم صلّى=ولا واحد الجسمه تولّى بدر اُو انصاره أهلّه=اُو شمر الخنا اُو خولي تقلّه هلعليل منهو القيد ايحله=واحريمكُم شبعت مذلّه غصب خذوها ابغير أظلّه=ذيك العزيزات الأجلّه ظعنهم إلى الشامات ولّى=اُو على يزيد دخلوهم اِبذلّه يخير الورى باقي البقيّه=يمحروس من ربِّ البريّه عجّل ابطلعتك البهيّه=ترى الدين ضايع والرعيّه والسنن كلها ممتحيّه=واعظم رزاياكم رزيّه جدّك ذبح في الغاضريّه=رضيض الجسد بالأعوجيّه اُوراسه ابراس السمهريّه=كالبدر لو شمس المضيّه اُونسوان ليكم هاشميّه=خذوها إلى الطاغي هديّه سبوها عقب حامي الحميّه=اُو دور العلم ظلّت خليّه