زينب ترسل لأبيها (عليه السّلام) : يا راكب الناقة تحفها=في سيرها تشبه طهفها اتمايل على الكوفة اُو نجفها=علامات لك واني اصفها أفلاك واَملاك تحفها=قله اُو عبراتك ادرفها حيدر يمن حايز شرفها=ترب القبر عنّك انسفها ترى اِحسين ما اتغسل ابطفها=اُوذيك الذي تستر سجفها لوانك تراها ما تعرفها=سترها عن العدوان كفها يراكب ذلولك وين منواك=لرض النجف عجل ابمسراك إذا جيت عند امدير لفلاك=نوّخ ذلولك وانصب اعزاك اُوبث الشكاية اُوزيّد ابكاك=والى من قعد اُو بالعجل جاك قلّه علي يمدير لفلاك=جبريل نال الفوز بارضاك في وين غايب عن يتاماك=زينب سبوها اُوهي ابرجواك يتاماك يا حيدر يتاماك=هذا الحكي وانته على اهواك يامن له الافلاك دارت=اُورد الشمس بعد أن توارت واعقول هالعالم احتارت=اخبرك ترى بالطفِّ صارت وقعة اُونار الحرب ثارت=واكفوف مثل الورق طارت اُو زينب ترى بنتك احتارت=بليا ستر للشام سارت مامن صديق اليوم ينشام=ياخذ رسالة اُو يرخي لزمام ينصي علي زرّاق لرخام=ايقلّه يمن جاره ما ينظام اُويالْلي على افراش النّبي نام=اُوعن كعبة الله كسّر اَصنام ترى اِحسين مات اُو خلّف ايتام=اُو زينب أسيرة راحت الشام اتنادي اُو دمع العين سجام=لا ينام داحي الباب لا ينام يلفي لنا اِبرايات واعلام=اُو يلحق قبل ما ندخل الشام والله خجالة دخلتي الشام=نمشي ورى والروس قدّام وين الذي عنده موده=ويحب إلى ابن اُمّي اُو يوده ينصي علي في وسط لحده=وبصوت ثلاثة أصوات عنده يقله يحاضر كُلّ شدّه=ابنك ترى مطروح بعده مذبوح ما جيته تلحده=اُو زينب أسيرة بين لعدا في حالةٍ صعبة اُوشدّه=أهلنا بطوا واني بلا ردا اُو قلب العدو مابه مودّه=لو المرتضى يدري اِبولده لطر اللحد اُوجاهم ابهدّه=اُو يامر ابتغسيله اُويلحده يبو قبة الحمرا يبو اِحسين=نخيناك يا قاتل العمرين يوم الحرب ما جيت لحسين=تجينا اُو تخلّص هالنساوين عرايا على اظهور البعارين=ننخاك حيدر وانته في وين كنّك ما تدري بابنك اِحسين=مطروح ما بين الملاعين مقطوع راسه ويا ليدين=اُو زينب أسيرة مالها امعين بليا ستر يا مظهر الدين=سترها عن العدوان ليدين ماجور يا بو اِحسين باِحسين وين الذي يتصي لطيبه=يخبر محمّد بالمصيبه اِيقله ترى ذبحوا حبيبه=فوق الثرى مخضوب شيبه اُو زينب ترى ذيك النجيبه=راحت على الهزّل سليبه باركوبها أكبر عجيبه=امصيبة ولا امثلها مصيبه حتّى الطفل والله تشيبه ياللي تجد السير دوبه=حثها كفاك الله اكروبه تكسب بعد أجر اُو مثوبه=انكان العزي اندلي ادروبه أقصد إلى حيدر ابنوبه=قلّه اُو عبراتك سكوبه يا ناصر أحمد في احروبه=صوبه يبو الحملات صوبه عرتك المذلة فرد نوبه=زينب على ظهر الحدوبه بليّا ستر ياهي اعجوبه