ابتقدم النسوة وباروح=وانكان في جسم الولي روح بينغر إلى من شافنا انوح=قوموا ينسوه كلنا انروح قالوا لها والدمع مسفوح=ما تنفع الروحة لمذبوح يحسين ما كنّي انا اختك=ضربني الشمر ياخوي تحتك ماكنني خويه ابذمتك=ما تنغار يا خويه على اختك برضاك لو غصب عليك=ضربني الشمر واني حواليك أنا ادري مروتك ما تخليك=معذور يالقطعت اياديك مطروح والسافي سفى اعليك زينب عزيزتكم سبوها=اُو عدوانكم خويه ولوها إلى ايزيد قوه سيروها=لو كان يحضرها ابوها ويشوف العدى قوه خذوها=اُومن فوق هزل ركبوها ركبنا يخويه اعلى المهازيل=اُو بينا يسيروا انهار مع ليل اُو زين لعباد ابقيد وانحيل=اُودمعه على وجناته ايسيل واحنا حريم مالنا اكفيل=واكفيلنا وجعان واعليل اِمن المرض ما يقدر على الشيل=ريّض يحادي بالك اتشيل اُوفي المعركة لينا مقاتيل=من غير تكفين اُو تغسيل يحسين ساقونا على اجمال=ومربطين احنا بلغلال ناديتهم والقلب شعّال=ريضوا لنا اسويعة بلجمال أهلنا ذبايح فوق لرمال=دعونا نودعهم بتعجال منقدر نفارقهم ابها الحال اِمن النوح ايحق لي ما أوني=على اللي غدا اُولا ودعني اِحسين اخويه اللي نحلني=بين الأعادي ضيعني اُو شمر الخنا بعده محنّي=بالسوط كُل ساع يضربني يا خوي تبكي لك اسكينه=عقبك يخويه اَمست حزينه تقلي يعمّة بوي وينه=اشوف العدا عمّه سبونا لو كان يحضرنا أبونا=ما كان لعدا وصّلونا ولا كان للطاغي خذونا