زينب وتحشيمها لأهلها : يهل الحميّة وين غبتون=في كربلا عنا نزلتون اهلكم لكم لو يستعدون=لوقف على درب لظعون واسايل اليرحون ويجون=يهل المدينة ليش ما تجون واكفان ابو سكنة تدفنون=يا عزوتي لولي تردون لفرح وعيّد ساعة اتجون=متى يا عديل الروح تلفون متى اتجون يا رجالي متى اتجون عثاري هلي قلّت شيمها=بين العدى ضاعت حرمها موالي اَحكمت فيها خدمها طلوا علَيْ شوفوا احوالي=غرايب يسر من غير والي يا اُمنا الزهرا تعالي=شوفي سباي اُوذلّ حالي اُوشوفي جسد مولى الموالي=مرضوض من دوس النعالي اُوراسه على العسّال عالي=عدوي من البلوى بكى لي وا ضيعتي وا سوء حالي=أنه الضايعة من غير والي في كربلا ذبحت ارجالي=يا طارشي ويّاك خذلي رسالة توديها إلى اَهلي=ابعتب على شيّال حملي ما حد يقاسي ضيم مثلي=وا فجعتي ابحمّال ثقلي اتغيبون عنّا غيبة اطوال=تسبى الحرم واتصيح لطفال هوت خيمتي واعمودها مال=اُو بقينا حرم من غير رجال اُوصرنا سبايا بيد لنذال أهلنا بطوا واحنا امخيفين=دربنا خطر واحنا نساوين بعدك بقينا غُرب يحسين=امنين جتني كربلا امنين وين اليعزّيني على اِحسين=اُوعلى اهل المجد سبعين واثنين باتوا على الغبرة مطاعين=كلهم بلا غسلٍ اُو تكفين فوق الثرى من غير تدفين=واحنا خذونا على البعارين ايحق لي لصبغ اثيابي ابنيل=على امصيبتك يا لمالها امثيل اُو على عزوة راحت مقاتيل=أبطال من خير الرجاجيل راحوا اُوصرنا في أذى اُويل=ما عندنا راحم ولا اكفيل كلنا حرم مالنا رجاجيل=والي الحرم وجعان وانحيل