يخويه دقلّي وين ملفاي=غريبة أنه اُوحولي يتاماي أنه اَعاتبك يا نور عيناي=يمذبوح متحسّر على الماي دجلس يخويه واسمع اِنداي=راحت هلي سبعين عدّاي ماتوا ظما ما ذاقوا الماي منهو اليرد زينب لهلها=هذا الدهر شتت شملها واليوم عقبك خاب اَملها=ترضى الشمر بعدك يذلها واعلى الدرب ما حد يدلها=امن اهل الشيم ما حد يصلها كل ساع ما يعثر جملها=يا ليت عينك ناظرة اِلها ويش حال حرمة ابغير اهلها=تكثر هضايمها اُوذلها تعالوا لزينب يا أهلها=ابديرة غرب تايه جملها ما للملازم غير اَهلها أنه الليل لو جا يسترني=إيواري اعيون الناس عنّي والصبح لو جا يفضحني=اُو حنين اليتامى ما يونّي يونون وآني ما أونّي=وانكان يا بن اُمّي تودني ويّاك وسط اللحد خذني جثتك يخويه سال دمها=جينا اُو تعنّينا ليمها هذي تحبها اُوذي تشمها=اُوسكنة تنخي البطل عمها يتيمة اُو فاجعني يتمها=كُل ساع ما زجر شتمها مهي اعزيزتك واللي تشمها=اِرضيت العدو يظهر اسمها إتناديك جاوبها يعمها أمسى المسا وآنه ابوحشه=والقلب في رجفة اُودهشه والنار شبّت وسط لحشا=بالأمس لي هودج مغشى واليوم كُل مجلس أدشّه يحسين حاكيني وحاكيك=قلّي يخويه اِش علة بيك وأي جرح من لجراح يؤذيك=وانا بيش يا خويه أداويك متحيرة يا مهجتي بيك=وانا اريد يابن اُمّي اُواريك ركبت الجمل ياخوي معري=اُودمعي على الخدّين يجري يحسين خويه انهتك ستري=اُو نحرك يبو السجّاد مبري اُودمّك به الوديان تجري إركبت الجمل والشمر قاده=وانته طريح ابلا وساده وابنك تدوبني اِقياده=إلى من بكى سبوا اَجداده عليل على الناقة اُوهو اينوح=يبكي اُومنّه القلب مجروح وامذوّب احريمه من النوح=شايف اُبوه اِحسين مذبوح ما ينلام لامن مدمعه سال=عاين ارجاله فوق لرمال ولاحد لفه ليهم ابشيال=اُو زينب تنادي ما لنا ارجال إلاّ عليل امقاسي اَهوال=اُو مغلول يمناته ولشمال معذور لامن مدمعه سال يجذب الحسرة بثر حسره=اُو يبكي اُو منّه العين عبره والجامعة من فوق صدره=عوينه الله إشلون صبره نسوان من حوله يونّون=فوق الهزل حسرا ايتباكون اُودوبه يقل الهم على هون=ينسوان سكتوا لا تنوحون