زينب تخاطب الحسين (عليه السّلام) وتُخبره : بس ما طحت يحسين جونا=اُوكلما اجتمعنا فرقونا اُو لطفال قلبي يشعبونه=ايقولون ودّينا لبونا قبل الأعادي يذبحونه=وا قلة الوالي علينا ذبحوا ولينا وانسبينا=راح الذي ينغر علينا بس ما طحت يحسين جتنا=قوم الأعادي فرهدتنا اُو طلعنا يخويه من خدرنا=اُو للمعركة يحسين رحنا وسط المعارة الجسد شفنا=مثل ما تطوف الحاج طفنا اُو سترنا عن العدوان كفنا جسمك ظهر لي بين لجسوم=يا حيف عاري مالك اهدوم جاتك تلقاها اُمّ كلثوم=جاتك يخويه ابحال ميشوم اِتجلد يخويه وانهض اُو قوم=بلكت ترى ايخلّونا القوم قلها اعذريني ما اقدر أقوم=ردي لخدرك يامِّ كلثوم اُوصوني الحرم عن دهشة القوم جسمك ظهر لي بين لجساد=يا حيف نايم مالك اُوساد وابكترك الذبحوه بلهماد=يحسين سافرنا بلا زاد وانته على الغبرا بلا اُوساد=شنقول لومن طوح الحاد اُوجابوا السلاسل ويّا لقياد=اُوسحبوا من الخيمة السجّاد ذبت عاد يالوالي ذبت عاد=لتنسون ضيعتكم يلجواد يحسين ما تقعد لنا اتشوف=أنا امسلبة والراس مكشوف والناس حولي كلهم اُوقوف=واحنا غرايب مالنا اسجوف سترنا عن العدوان لكفوف ايحق لي لقضي العمر بالنوح=ليلي اُو نهاري ابدمع مسفوح بعدك يخويه وين أنا اروح=اُو عملت الدوا خويه للجروح شفتك ولنك خوي مذبوح أثار الولي معذور ياناس=من حين جيته صعّد اَنفاس قلت له يخويه اِحسين لا باس=قلّي يخيّه قطعي الياس فوق الثرى جثّة بلا راس=صيحي يخيّه والطمي الراس وابكي على المذبوح عبّاس=حنّت اُوهي تلطم على الراس لا باس يلمذبوح لا باس يحسين درعك ما حمى لك=ولا جوشنك صاير وقى لك عن كافر بالسيف غالك=اُو غيّر يبو سكنة جمالك تبكي الأرض ويا السماء لك=اُودمع من اعيوني همالك اُوسكنة تقول بويه اشمالك=أحاكيك لي ما تدير بالك ربيتني بالخدر والصون=اُو عزيتني يا نور العيون ترضى العدى ليّه يسلبون