يا راكب الناقة اُو رايح=في السير مثل البرق لايح إلى جيت في مسراك رايح=طيبة ترى النا ابها ضرايح فزّع اُو كثّر للصوايح=قلهم يطيبين الروايح ترى اِحسين بارض الطفِّ طايح=اُوظعن الحرم للشام رايح ياللي تجد للسير دابك=ليم الغري عرّج اركابك إلى جيت لا عنده اُو اجابك=اُو قلّك إلينا ويش جابك قلّه أنا قاصد جنابك=بعزّيك بامصابٍ أصابك سبط تقبّل فيه دابك=رضّوا اِعظامه بالسنابك اُو زينب لا تنخى إلاّ بك