زينب وهند في الشام : يا جالسة واللي اتخفّين=هالناس من أمرك عجيبين عن اسمك سألنا ما تجيبين=بالله اخبرينا من تكونين اُومن أيِّ بلدة امن البلادين=اُومن أي نسب ياهذي انتين إمن الروم لو من بلدة الصين=باقسم انا ابخير النبيِّين هاللي شرع للناس هالدين=نبي الهدى من آل ياسين قولي لنا من وين انتين=اُومن أي بلدة امن البلادين اُومن اسمك اللي به تعرفين=أنّتْ اُوهلّتْ مدمع العين يا سايلة واللي تسألين=واللي على الكرسي جلستين أهل الكراسي احنا مهو انتين=بالأمس إنتِ ويش تكونين في وسط بيتي لي تخدمين=اُو يوم الدهر أبدى أمرّين أعلا الخدم اُوذلّ السلاطين=قالت إليها ياللي تحكين ما خدمت انا ابيوت دنيِّين=ولا اَخدمت إلاّ هاشميِّين ما خدمت انا ابيوت دنيّه=ولا خدمت إلاّ هاشميّه معالين للأمّة سويّه=أماجيد من دون البريّه سلاطين وانفوس أبيّه=اُولو كان يتهيّأ إليّه ردّيت والمنّة عليّه خفّي الحكي اُو قصري جوابك=اُولا تكثري اعليّه اخطابك وانا سألتك عن جنابك=اُويش الذي ابهالبلدة جابك يحرة ولا تكثري اعتابك=اُومنتي تكوني حتّى نهابك سألتك عن اسمك دخبريني=اُومن أي بلدة جاوبيني وانتين كنّك تعرفيني=اُو بالخدامة اتعيّريني قالت أنا ما تعرفيني=زينب انا اللي اتخاطبيني