مجيء زينب من الشام ولقائها بالنساء الأسديّات النازلات بكربلاء : زينب تسأل النساء : ينسوان أسألكم من انتون=على هذه البقعة نزلتون قالوا لها والقلب محزون=نزلنا بها حين رحلتون ياللي تسألينا ابتعديد=والدمع منّك زايدة ايزيد إنزولنا فيها مهو ابعيد=من يوم سافر عسكر ايزيد والماي جينا اُو قصدنا انريد=اُوشفنا على الغبرا صناديد فوق الثرى من غير تلحيد ياللي تسألينا من انتين=رعنتي خواطرنا اِمن لحنين دسكتي يحرة لا تبكين=اُوعن حالنا إنتي تنشدين إحنا قصدنا الماي باغين=اُو اَجساد شفناهم مطاعين جنايز بلا غسلٍ اُو تكفين=عدهم بعد نيّف اُو سبعين اُو فيهم جسد مقطوع ليدين=اُومن جثّته بانت براهين اِطيور السما حوله حزينين أجساد شفناهم بلا روس=واَنوارهم تاضي كلشموس واللي دعى للقلب محموس=فيهم جسد بالخيل مديوس اُوجثته رأينا اُوجينا ليها=شفنا عجب يا ناس فيها اطيور السما اِتظلل عليها=لكن مقطوع يديها اُوراس ما شفنا عليها يمخدّرة عزّك رأيناه=مطروح فوق الترب شفناه مقطوعة اِيساره اُويمناه=والطير يظلل له ابجنحاه اُوشفنا جسد ماحد لفى ليه=مذبوح وارجاله حواليه بالترب والسافي سفى اعليه=اُوشفنا علامة بيّنه فيه امن لزنود مقطوعة أياديه اُوشفنا جسد من فوق لرمال=مقطوعة ايمينه ولشمال مرمي على الغبرة بلا اظلال=لكن أنا عندي لك اسؤال عن حالك اللي يدهش البال=كلكُم نسا واَيتام واطفال اُونسوان ما تسلك بلا ارجال=نادت عليها ابدمع همّال أنا عزوتي سبعين خيّال=مشينا اُو تركناهم بلرمال نصبنا عزاهم فوق لجمال قالت يحرّة لا تقولين=بالله اخبرينا من تكونين من هالحكي لينا رعبتين=نادت اُوصبّت مدمع العين أنا زينب واخوي لحسين=وبويه علي قاتل العمرين اُوجدّي النّبي خير النبيّين=واُمّي ترى ستّ النساوين كنك يحرة ما تعرفين=أبونا علي اللي شيّد الدين اِبسيفه اُوحطَم هام المشركين=وانتي تسمعين به اُو تدرين أبونا علي الضارب ابسيفين=أيضاً اُوهو الطاعن ابرمحين