ياللي تجد السير دابك=ليم الغري عرّج اركابك إلى جيت لا عنده اُو اجابك=اُو قلك الينا ويش جابك قلّه انا قاصد جنابك=بعزيك بامصاب اصابك واللي اصاب اِحسين اصابك=واللي تقبل فيه دابك رضّوا اضلوعه بالسنابك=اُو زينب ولا تنخى إلاّ بك ياللي تجد السير دوبه=حثها كفاك الله اكروبه تكسب ترى اجر اُو مثوبه=انكان الغري اتدلي ادروبه أبو اِحسين لامن جيت صوبه=قله اُو عبراتك سكوبه صوبه يبو الحملات صوبه=علتك المذله فرد نوبه زينب على ظهر الحدوبه=بليا ستر يا هي اعجوبه أرى الناس منّي مستريبه=ايقولون ويش هذي العجيبه إنتي نجيبة بت نجيبه=وبوك المقدم في الحريبه حامي حمى مكّة اُوطيبه=ولا حد نخاه إلاّ اُو يجيبه اُو في كربلا حلّت مصيبه=فوق الثرى خلّوا حبيبه دامي النحر مخضوب شيبه=وانتين ما مثلك نجيبه إلى الشام وشجابك غريبه أجابتهم (عليها السّلام) : أنه درّة من بيت مكنون=فخري عليكم ما تنكرون أبونا الذي اتخيل الميمون=اله هيبة في الحرب والكون ياما بطل خلاّه مطعون=أبونا علي هزّاز لحصون قالت تقولي باللي يجرى=إنتي تقولي لي الذره في الدهر أبد ما شوف حرّه=إلاّ بنت صاحب الكرّه وامها الطهر فاطم الزهرا=هاذيك في طيبة الغره ما تركب الأعجاف حرا