العبّاس لمّا برز إلى الميدان : جاها ايتحدر حي هالشوف=كنّه سهم نافذ بلصفوف ما يندفع برماح واسيوف=واِحسين عينه تنظره اتشوف اينادي اُودمع العين مذروف=اُو قلبه على العبّاس ملهوف تسلم يبو فاضل هلكفوف الخيل جاها اُوكل من اهتال=اُولبطال دوّسها بلبطال اُوجدّل فوارسها على اتلال=اُو قال البعض لا بعضهم قال خلّوه يشرب ماي لزلال=وإلاّ فنى أوّل مع التال ولاحد كفو ايفعل هلفعال=إلاّ علي خوّاض لهوال زبرها من اجنوب اُوتعلّت=اُورادت تطير اُولا اندلّت اُوطبّق عليها يوم حلّت=عساها يمين ما اشتلّت بين المواضي والأسنّه=فارس يهاب الموت منّه واحد شديد ايسايلنه=اُو نشدوه ويش هو طالبنا اِنكان للماء قاصدنه=خلّوه يشرب ويتهنا وإلاّ ترى يفني جمعنا اِنكان هذا إلاّ نزاله=الله الكافي من مجاله هذا الموت نازل لا محاله=قل لبن سعد ايشد رحاله واِنكان ايقول إلاّ ولالا=يبرز له اينظر اَفعاله بانشوف مكره واحتياله=العبّاس ما يرجع محاله لو تقطع ايمينه معْ شماله=يها لناس عذروه ابفعاله محروق قلبه اعلى اَطفاله صوّل أبو فاضل الضرغام=اُورج العراق اُوزلزل الشام والرايات نكّسها ولعلام=ويزيد من فوق التخت قام