النساء يخاطبن الحسين (عليه السّلام) : عبّاسنا يحسين ناده=الماي مالنا في اراده قلّهم قضى ربي مراده=عبّاسكم نال الشهاده لو حيدر الكرّار موجود=اُو ينظر ابعينه شقت الجود ويشوفه قريب الماي ممدود=عاري الجسد مقطوع لزنود اُو مفضوخ راسه ابضربة اعمود ينايم على المسنات تعبان=لو من صلاة الليل سهران لو على خوات اِحسين زعلان=خلّيت من يحرس الصيوان عبّاس ياخويه انا اَنخاك=إنته الضمد وخوك ويّاك يا خوي خانت بك رعاياك=واسمع اسكينة كيف تنخاك دجلس اُوسر قلبي ابملقاك=تراهي افجعت قلبي يتاماك يا عيشة الكشرى بلياك=ابوسط القبر باروح ويّاك سكنة لفت لي بالمذلّه=جتني تصيح والشعر فلّه تقل لي يبويه اِحسين قلّه=انكان الماء ما حصل له خلّه يجي بالعجل خلّه=ترى عمّتي مشتاقة له نادى اُو عبراته سكيبه=حلّت على راسي مصيبه مينلام من فارق حبيبه=معذور لا من شقّ جيبه اُولونّه بكى واعلا نحيبه=حتّى الطفل راسه تشيبه عبّاس يا سوري المشيّد=يسيف ابيمينه ماضي الحد ردتك تعود ليَّ اُو تشهد=ويلاه يا شمل تبدّد اُو يا ثلمة ما عاد تنسد عبّاس يا راعي الحميّه=يمدخور لرض الغاضريّه تنخاك سكنة الهاشميّه=تقلّي ابدمعات جريّه يابوي يا زين السجيّه=عمّي ترى ابطى عليّه رايح يجيب الماي ليّه=بخبرك يبو نفس الأبيّه ترى عيشتي ماهي هنيّه=من بعد سردال الضريّه يعين الطليعه يا مقدم=يخواض بحر الموت لوزم يفرجة قلب زينب اُو كلثم=وطى المشرعة والريق علقم اُو بالشرب دون اِحسين ماهم=ابروحه فداه اُولا تندم في داعة الباري يعبّاس=يسيف الحريبة اُو مسند الراس بعدك عرتني ضيقة انفاس