سؤال زينب لأخيها الحسين (عليه السّلام) : باسايلك يابو اسكينه=هلجيوش لينا لو علينا قلها يزينب يا حزينه=يمن ابخدرها كلفونا هلجيوش ملتمة علينا=قالت يخويه يا ولينا عجل قوم ردنا للمدينه=قبل الاعادي اتخون بينا هذي المحامل قوم ردنا=لرض المدينة وطن جدنا مهي امناسبة نمشي وحدنا=اُوتدري حرم واَطفال عدنا ولا غير هالسجّاد معْنا=يحسين ردنا ابلاد جدنا في كربلا لا تنزل ابنا=الاصلح لنا نرجع بلدنا يحسين خويه يا صمدنا=لو رحت منهو اللي يردنا اسألك بالخيل اُو عددها=ترد الحريم ابلاد جدها اُو فعلك إلى حريمك يضدها=هلعيال اتوديها البلدها أنا خايفة تبقى وحدها يحسين لا تبقى ابها لقاع=قلبي يخويه اليوم مرتاع ترى الخيل حاطت والفكر ضاع نزلنا يخويه نزلة الشوم=علينا العجب والماي محروم إلتمت علينا اُو كثرة القوم=ردنا ابعجل يا خوي هاليوم أنا خايفة تختضب بادموم=اُوراسك يصير ابرمح ملزوم يحسين أنا ما ريد هالدار=يا خوي لا تضرب بها اخدار قلبي ترى يا بو علي احتار=يحسين خويه يابن لطهار اِخبرني يخويه اشوا بكُم صار=ترى القوم لزمت ماي لنهار وانا حايرة واضرب الأفكار=ردنا وطن جدنا المختار يحسين من قبل الرحيل=وصوا بنا خويه رجاجيل اُو تدري ولينا يا لولي اعليل=وجعان ما يقدر على الشيل امغلل اباغلال اُو زناجيل وصوا بنا قبل ترحلون=اُو قبل على الغبرا تنامون يحسين اخويه اُو نور لعيون=ترضى العدى لينا يسلبون لوقف على درب لظعون=وسايل اليرحون ويجون متى يا بني هاشم لنا اتجون=انا اظنون جيّتكم لي اظنون ما ظنّتي الغياب يلفون=يا عزوتي لولي تردون لفرح وعيّد ساعة اتجون زينب تسأل أخاها الحسين (عليه السّلام) : يا حجّة المعبود يامن=لا لاذ به لمخيف آمن أشوف لنصار إلاّ ايتحامن=اُو لزمن بيارقهن اُوقامن اُوهالبيرق الملفوف لامن يابن الوصي فحل الفحوله=واخليفة الباري اُو رسوله ذاك الذي مقتول غيله=يبن فاطمة الزهرا البتوله هالبيرق اللي يذكروا له=ياهو من اُولاد الحموله يوم الحرب منهو اليشيله=نادى يزينب يا جليله يمخدّرة فحل الفحوله=يعزيزة الزهرا البتوله هالبيرق اللي تنظري له=إلى احبيب باكتب له الليله ياتي من الكوفة يشيله يا نور عرش الله اُو جلاله=يا آية الباري تعالى هالعلم يا راعي الجلاله=ماشوف احد يحسين شاله الحسين (عليه السّلام) يجاوب زينب : قلها اُو عبراته هتونه=واللي ابخدرها كلفونا يمخدرة حيدر ابونا=هالبيرق اللي تنظرينه والانصار كلها حايطينه=إلى احبيب في الكوفة يجينا يمخدرة حيدر الكرّار=يمن جدها الهادي المختار ابهالبيرق التفت الأنصار=بيجي له الفارس المغوار احبيب اللي يشعل بالعدى نار