طوعة تشجّع مسلماً : نادت اُودمعتها جريّه=احمل يمسلم يا شفيّه اُوصول ابصولات قويّه=والحرب لو يحصل اليّه لفديك والمنه عليّه مسلم أجابها : نادى عليها والدمع سال=اُو قلبه غدا بالغضب شعال الحرب جايز حق لرجال=والنوح فن ربات الحجال لكن انا متذكر اهوال=يجوكُم حريم ما لها ارجال كلهن سبايا فوق لجمال=اُو فيهم يتيمة تدهش البال بليا غطا طوعة اُوبلا اظلال=اُولا من رأيتيها ابها لحال قولي لها والدمع همّال=من غير ان تبدي لك اسؤال عزك وقع ما بين لنذال=اُو في وسط رجليه شدوا احبال ابوصيك يا طوعة ابوصايا=لا من لفوا ليكُم سبايا اقمار لكنهم عرايا=حسرا على اظهور المطايا بلغي سلامي والوصايا=اُو قولي يهل بيت الولايه خانت ابمسلكُم دعايا=اُو ذبحوه ظامي ابلا جنايا يقلها اُو دمعاته حديره=فيهم الي بنت صغيره تبكي اُو مدامعها نثوره=يمقتول في وسط الحفيره يا ليت حاضر له نصيره=لحسين بن عمه يجيره جواب طوعة لمسلم : نادت اُو دمعتها تهلها=بنتك يمسلم ويش دلها اُوكم سنها قلّي وجلها=قصدي اضفها واحضن الها اُوحق بالنياحة اسعد الها=حتّى أعزّيها بهلها ويش حال طفلة ابلا اهلها=تكثر هضيمتها اُوذلها جواب مسلم لطوعة : إنكان تبغي اتوصفيها=اُو بتعملي المعروف فيها إنطيها اثياب اُوستريها= ترى هي يطوعة امسلّبيها إلى من لفت ليك احضنيها=اُوعلى حفرتي طوعة ارشديها جواب طوعة لمسلم : يمسلم وصاتك تشعب الروح=خوفي عليك اتروح مذبوح يا ليتني أبذل لك الروح نادت وادمعتها جريّه=ذوبتني ابهاذي الوصيّه اُوخليت كبدي ملتظيّه=توصيني ابحال البنيّه اتجي الكوفة اعلى المطيّه=ذكرها يزيد الحزن ليّه إذا شفتها اتمنى المنيّه=ويش حال طفله ابها الأذيّه