مسلم عند ابن زياد : يمسلم سلم واحتشم زين=وقله يمير المؤمنين احنا تحت أمرك امطيعين=مسلم تكلم واحلف ايمين اُوحق الذي كون الكونين=ما لي امير غير لحسين ذاك ابن عمّي اُوقرّة العين=لكن وين اللي لنا امعين واجره على الإسلام والدين=ينقل وصاتي اُو يحتفظ زين نهض ابن سعد وابدى التعلين=اُوقلّي على اَسرارك أمين وصني تراني اِمن المحبين=قلّه اُوصيك ابوصيتين تبيع الدرع والسيف لثمين=اُو تفضي المراد اُو توفي الدين والثانية تبعث إلى اِحسين=يرجع ولا يجي للملاعين لمن سمع نغل الخبيثين=قال اصعدوا به القصر هالحين وارموه مرضوض الجبينين=اُوصلت أخباره عند لحسين نادى اُوظل يبكيه في الحين=يصفق على ايساره وليمين راحت ارجالي ولمحبين=اُوخلصوا عمامي والمودين ضجت خواته بالصياوين=اُوصارت لهم ضجات واحنين اُو زينب تنادي يا ضيا العين