زينب تخاطب أخاها الحسين (عليه السّلام) بعدما وصلهم خبر وفاة مسلم : طلعنا اُو طلعتنا سويّه=ماشين لارض الغاضريّه تحوي ابدوري بالسويّه=اُو تحوي لشموسي المضيّه يا حالة القشرا عليّه=يحسين يا راعي الحميّه ما رايحين لأرض الغاضريّه=اِنظر مدامعنا جريّه انا خايفه تبقى رميّه=عاري اُوتدوسك لعوجيّه اُوراسه ابراس السمهريّه=وانروح للطاغي هديّه اُو ندخل على شر البريّه يحسين ردنا للمدينه=اُوشوف العدا خانت علينا ذبحوا لمسلم يا ولينا=اُوكنه الدهر جاير علينا وانخاف خويه يسلبونا=بالعجل رد ابهالظعينه نادى اُوصب ادموع عينه=قلها يزينب يا حزينه ما اقدر اردك للمدينه=ارجوعها صعب علينا حال القضا بيني اُو بينه من صحة الاخبار واعلام=من ذبح مسلم نسل لكرام عند السبط حجة العلام=حن اُوتزفر اُو بالعجل قام من مجلسه واقصد للخيام=اُو كانت لمسلم بنت اكرام عمرها ثمان اسنين وايام=دعاها اُو قربها يلسلام على ناصيتها مسح والهام=بالشر حست والبكى قام والدمع فوق الخد سجام=قالت يعمّي اُو خير لعمام خليفة علي زراق لرخام=اراك افعلت بي فعل ليتام أظنّه اُبويه ضاق لحمام=وامن المنايا صابته اسهام قلها اُو دمع العين سجام=انا ابوك وابناتي طبق عام اخواتك اُو رب الجود وانعام=ولا خاطرك بالهم ينظام واخوانها كُل من سمع قام=اُوذبوا العمايم والبكى قام اُو صارت الضجه وسط لخيام=اُو زينب تصيح ابدمع سجام اتقول مسلم يبن لعمام=علمك لفانا والقلب هام داروا عليك ابخيل واعلام=كلهم كفر ما فيهم إسلام واصبح علم ما هوه باحلام