فاطمة بعد ما رجعت و جواب الدار لها : يا دورهم ذيك المضيّه=رحلوا وخلّوها خليّه متى ترجعوا يا ياب ليّه=واتعود أوقاتي هنيّه يا دورهم والله ماوطيك=واحلف يمين الشرع ماجيك حتّى يجي يا دار راعيك يا دورهم لغلق ابوابك=وحثي التراب اعلا اعتابك واعتابك واكثر اعتابك=حتّى انا اسمع جوابك يا دور وين اهلك اُوناسك=اُوين الذي علوا اساسك ارى بعدهم مكسور باسك انا شفت دار اهلي خليّه=جرت دمعتي غصب عليّه واِمسيت في شدّة قويّه=اُونيران في قلبي لظيّه وازدادت اهمومي عليّه باسايلك يا دار جدّي=عن عزوتي بالله ردي لعله تبرد نار كبدي=تراني على اهلي زاد وجدي يا دار وين اهل المعالي=اُوين الذي يرفق ابحالي ابن النّبي مولى الموالي=باسايلك ردي سؤالي باعاتبك واكثر للعتاب=يا دور حيدر داحي الباب في وين اهلي اهل لكتاب=فاطم بقت ما بين لجناب انا كيف ما تبكي اعيوني=اُوهل كيف ما يصفر لوني هلي سافروا ما ودعوني=شالوا هلي عنّي اُوجفوني فريت لن الظعن شايل=وبويه ينخي للقبايل ناديت أبويه وين شايل=قلّي اُودمع العين سايل إلى كربلا هاليوم راحل=فيها انا امقيم اُونازل فريت من نادي للمنادي=والضغن صاحت به الحوادي ناديتهم والقلب صادي=والدمع بالخدّين غادي بكى ناظري من يوم شدوا=اُو ركبوا اظهور الخيل مدوا اُو عافوا ارض طيبة اُو تعدوا=اُو ساقوا الظعن سرعة اُوبعدوا اُو للغاضريّة ما تعدّوا=بس من غدوا ما عاد ردّوا ساقوا الظعن واني توانيت=ولا ريضوا لي يوم فزيت تبعت الأثر والصوت علّيت=واعثرت باثيابي اُوخرّيت وبالحال قمت اُولا توانيت=جرى مدمعي والجيب شقيت باسايلك يا دور عنهم=اهلك حموله اشظل منهم في داعة الله يا ظعنهم=بسايل انا الركبان عنهم أجابتها الدار : قالت هلك لا ترقبيهم=يخلف عليك الله فيهم شيلي البسط لا ترتجيهم مامن اطروش اللي تصلهم=عن ضيم أحوالي تقلهم يا ناس فاجعني محلهم=ولا ادري اباي بلدة نزلهم غلق اِدياره اُوسافر اِحسين=ماشي اباخوانه ولبنين اُو تبرى اله ذيك النساوين=ودوا كتب ليّه الملاعين اِقدم يبن طاها اُوياسين=إنريدك تجي واتشيد الدين انته خليفتنا اُوراضين=اُو زينب تقله نيتك وين ابصحبتك لاوين ناوين=انا امنين جتني كربلا امنين غلق منازلنا ولوطان=وقصده اراضي الشوم واحزان طلعنا ابمعزة اُو قلب فرحان=اُو تبرى لنا بالدرب شبّان اُوجات الكتب من اهل كوفان=اقدم يبن طاها اُوعدنان غيرك لنا ما نريد سلطان=عجل تدارك دين ليمان غلق ادياره ابن الزكيّه=شايل لارض الغاضريّه واديارنا امست خليّه=وانا امسيت من اهلي خليّه ولاظل لي منهم تكيّه=انا امنين جتني هالرزيّه يها لناس شنهو البصر بيّه=راح الأبو من بين ايديّه ولاظل من يحمي عليّه=متى اتعود بالوالي عليّه هِي روحتك لو بعد جيّه اِبهذا الشهر غلّق انزوله=اُوهذي الأعادي كاتبوله إنريدك علينا اِتصير مولى=مشى الكربلا اُوسرّج اخيوله بالدرب من حوله اشبوله يابوي هالطلعة إلى وين=روعت قلبي اُوهملت العين شايل ابنسوانك ولبنين=اُوخلّيت فاطم مالها امعين مدري تجي لو يفجع البين ما تخبروني يمته اتجون=والى منازلكُم تعودون قطعنا الرجا منكُم ولظنون=اُو قلبي عليكُم صار محزون بالدار ترموني اُو تمشون=على ويش يابويه تقطعون يهلي تجوا لو اقطع الياس=ابقلبي على فرقاك هوجاس إبعث إلي يا ياب عبّاس ليت الزمان ايعود بيكُم=اُو يفرح اقليبي من مجيكُم ولا طارش منّي يجيكُم=أبعث إليكُم لو اجيكُم يا دورهم مالك خليّه=في وين اهلك هالعشيّه وين الابو راعي الحميّه=ماحد لفى منهم اليّه بالدار لنصب للعزيّه=اُواما تجي ليه المنيّه اُو ترجع ارجالي عليّه عنّي هلي شالوا ظعنهم=اُو شالوا حريم العز معهم في داعة الله يا ظعنهم=الله ايساعد من فقدهم علمي بهم من شدوا النوق=اُو قوّض ظعنهم بيهم ايسوق واتبعتهم والجيب ممزوق=حرمه بلا ولينا ما تلوق عنّي هلي شدوا على الخيل=اُوقام الظعن ماشي بهم شيل ما بين تكبير اُو تهليل=واتبعتهم من غير تمهيل شالت اسبوعي والرجاجيل يا دورهم كنتين مصباح=واليوم فيكُم اتهب لرياح درسك يغبرا اتبدل انياح=راح الولي يا محنتي راح واَمسى الدمع بالخدِّ سفّاح=بعدك لصك الراح بالرياح