مجيء الوفّاد على عاداتهم وسؤالهم عن الحسين (عليه السّلام) ، وجواب محمّد لهم : جينا على ابيوت الرفيعين=بيت النّبي خير النبيين اُو بيت الوصي حيدر أبو اِحسين=اُو بعد الذي بقيوا كريمين مات الحسن بالسم واِحسين=شال ابهله مدري القصد وين على اِحسين وا حزني على اِحسين نادى اُو دمعاته بلخدود=في وين سافر راعي الجود باقي البقيّة اُو خير مقصود=من بالوفا والكرم معدود عسى بو علي لدياره ايعود=متى ايعود يا روحي متى ايعود انا جيت ابغي بيت لكرام=قالوا إلى سافر من ايام ولا تجي يوافد عقب هالعام=لَحد يمن للكرم قوام ضاعت عقب عينك هليتام جواب محمّد لهم : نادى اُو دمع العين همّاي=مهو جاي يا وافد مهو جاي سؤالك يوافد فتّت اِحشاي=نحل جثتي اُو زيد لِبلواي ظلما المدارس والمساجد=على الباب لا توقف يوافد وانكان لهل الكرم قاصد=روحوا اُوخلّوا شهر واحد اُو طلبوا من الباري الواحد=يجي اِحسين واتعود العوايد نادى اُو دمعاته جريّه=شدّوا رحلكُم عجل هيّه اُوقصدوا أبو اكفوف السخيّه=ترى هو مشى للغاضريّه من طلعته ما ليه جيّه=أطلب أنا ربّ البريّه عسى الله يعود اِحسين ليّه=واتصير اُوقاتي هنيّه واترد دولة لوليّه=متى ترجع اخواني عليّه عنك الحكي والقول خله=انا ابغيك لكتابي تحمله انكان يا وافد تدله=إلى عند ابو سكنة توصله والى جيت لاعنده تسأله=في وين شال اُوحط رحله عسى الله ايعود اِحسين بهله=اهل الكرم ذيك الأجله شالوا لأرض الطفِّ جمله=اُو بيت الكرم اخلا محله اُمّ البنين تخاطب محمّداً : انته تون واني اجيبك=اباشق جيبي اُوشق جيبك واطلب من الله كي يجيبك=يرجع حبيبي لي اُو حبيبك أجابها محمّد : نادى اُو منّه الدمع منثور=أنا نذر على جيّة هلي انذور اُو قلبه من الأحزان مسعور=إنكان جوني هلك يا دور لفرح وعيد وامتلي اسرور=وانحر نحاير وابسط الدور عسى الله يرد هذيار لبدور=ليته ما هل اهلال عاشور اُوخوفي اعلى عزي ابروح منحور=اُوصدره ايغدي بالخيل مكسور اُوراسه ايغدي بالرمح مشهور