مرور الحسين (عليه السّلام) على اُمّ وهب : انا ابن النّبي خير النبيّين=وبويه علي اللي شيّد الدين واُمّي بعد ستّ النساوين=وخويه الحسن عمّ العليّين وانكان عن اسمي تنشدين=جدّي النّبي وانا اسمي اِحسين واحنا ابجمعنا اليوم ماشين=إلى كربلا باهلي ولبنين في ارضها نمسي مطاعين=واحريمينا هذي الخواتين تركب على اظهور البعارين=هدايا إلى شرّ الملاعين ما عندها اِمحامي ولا اِمعين=إتنادي اُودمع العين كالعين في كربلا ضيّعني اِحسين أنا ابن النّبي خير البريّه=وبويه علي حيدر وصيّه واُمّي البتولة الهاشميّه=وخويه الحسن زين السجيّه وانا ذبيح الغاضريّه=رايح ابقضي اللي عليّه نبقى على حر الوطيّه=اُوهذي الحريم الهاشميّه تركب على اظهور المطيّه=واتروح للطاغي هديّه هديّة إلى شرّ البريّه=اتنادي ابأنات خفيّه يحسين يا راعي الحميّه=ضيعتنا في الغاضريّه أجابته اُمّ وهب : حنّت اُودمعتها هتونه=يحسين يا نور المدينه عن هالسفر رد الظعينه