في طوس سيّدنا علي طوّل الغيبه=واستوحشة من عقب عينه أرض طَيبه يهل المعالي امدارس العلم اغلقوها=واَعلام سود اِعلى سطحها نشّروها في طوس نفس العلم ظلماً قطّعوها=مات الرضا في طوس ما اعظمها امصيبه مات الرضا اُوظلمت ادياره عقب عينه=وين الصديق اللي يروح لرض المدينه اُوينخى أبا ابراهيم والزهرا الحزينه=اُوينخى القضى من سم جعدة باَرض طيبه عرّج ذلولك لا تجي يم الغري روح=واتصال سيف الله في كوفان مطروح واجلس على قبره اُوقلّه ابدمع مسفوح=قلّه مهو عاد الحبيب ينسى حبيبه بسّك يبو الحملات من نوم اللحد عاد=والله عجايب تهجع اعيونك على اُوساد وابو محمّد بالطشت قد تاح لكباد=عجّل اُوشوفه قبل ما يقضي نحيبه اُولو جيت من أرض النجف عرّج بلطوف=وانصى!! الذي عمره من العدوان مقصوف وانخى أبا فاضل يجي لوهو بلا اكفوف=اُو ياخذ ابثار اللي العدى سمّوه غيبه