شالوا ابراس اِحسين كنّه مطلع اهلال=اُو قبله ماشفنا اهلال يطلع فوق عسال بني اُميّة يوم راس اِحسين شلتون=جسمه دفنتونه بعد لوما دفنتون الله الكافي انكان في الغبرا تركتون=بني اُميّة قبحت منكم هلفعال لابيض الله اُوجوهكم يا آل اُميّه=اتذبحون سبط المصطفى بالغاضريّه واعزيزة المختار من فوق المطيّه=من كربلا للشام تمشي ابغير رجال هذا الذي من خدمهم جبريل ياناس=ظلوا على الغبرة مثل الكبر اُو عبّاس اُوشيخ العشيره بالترب جثّة بلا راس=راسه على راس الرمح زاهر كلهلال بالامس جده ايقبله اُو يرشف ثناياه=امن ابعيد لا شافه تلقى له اُوحياه وانتو تشيلونه ابرمح واطفال وياه=فوق الرمح راسه اُو حريمه فوق لجمال هذي فعايل ما فعلها من قبل عاد=تنشال روس اعلا الأسنّة اُو تترك اَجساد آل النبوّة تدخل ابمجلس ابن ازياد=على الحرم يتفرجون أجواد واَنذال ولا كفاهم دشّت الكوفة بليتام=طلعوا من الكوفة اُوراحوا بيهم الشام يا ليت لن حيدر يجي ابرايات واعلام=لنه عليهم يبتدي ابضجه اُو زلزال لا بيض الباري لكم هالأوجه السود=من هالذي فوق المطيّة ابقيد مقيود خلفه حريمه واليتامى حوله اتلوذ=معذور لاصب الدمع في خده اُوسال معذور كُل اهله على الغيرى مذابيح=فوق الاسنه روسهم مثل المصابيح لاحت كرايمهم اُو تتلاعب بها الريح=واجسادهم ما كفنتها غير لرمال يوم القيامة يسئل الهادي عن ابناه=ايقولون يمحمد ترى سبطك ذبحناه في كربلا جسمه ابركض الخيل دسناه=ولا رحمنا من عقب ذبحة الاطفال روعنا عزيزاته اُودشّينا عليها=اُودرنا على اخيامه اُو ضرمنا النار فيها واحمد اينادي عترتي لهفي عليها=بالنار حرقوهم اُوغلوهم بلغلال