شمر الضبابي ابرمح علا راس لحسين=اُوظلّت الجثّة بالثرى من غير تكفين اُو زينب اتقله ابهون يالشايل كريمه=يا حامله خله يودعونه حريمه كم يتيم عاش في ظله اُو يتيمه=اُوكم فقير عاش في جوده اُو مسكين بالهون يا شايل كريم اِحسين بالهون=جيبه لهل بيته واطفاله ايودعون يتزودوا منّه نظر قبل يرحلون=ليتام ما تقدر تفارق راس لحسين شفتوا ابدهركم راس مرفوع على اسنان=اتباري الظعن عينه اُوهو يتلى القرآن أبداً فلا شفنا سوى المذبوح عطشان=ريحانة الهادي اُوحيدر مظهر الدين يحسين راسك في الرمح يسعي اقبالي=وايتامكم تبكي عن ايميني اُو شمالي ويش حال حرمه ضايعه من غير والي=من غير كافل والاهل عنها بعيدين من غير والي ياهلي اُومن غير رجال=والدرب صعبه ياهلي واجمالنا اهزال كل ساع ما وقعت اطفيله من هلطفال=ما معلمين احنا على اركوب البعارين يحسين ما تسمع ندى الاطفال تنخاك=في الخيم يالوالي ترى وصلت لنا اعداك ترضى يبو سكنة تسلبنا رعاياك=ما تسمع اندانا يشيخ الهاشميّين بن سعد امر عسكره تحرق اخيامك=والنار شبوها اُو غصب فرت ايتامك يا ليت تحضرنا ابها لشده عمامك=ايشوفون نار اللي وروها بالصياوين