بينك اُوبين الله يخيل الأعوجيّه=دستين صدر اِحسين باَرض الغاضريّه دستين صدر كُل علم الله حاويه=هذا الذي جبريل في مهده يناغيه اُوجدّه رسول الله في حجره يربّيه=وانتين دستي فوق صدره يا دعيّه منك يغبرة كان ما نستاهل احسين=يجرونك الاعدا اُوعلى صدره تدوسين اُوتدرين صدره اخزانته اعلوم النبيين=من آدم الأوّل إلى خير البريّه لا بارك الله يعوجيّة فيك من خيل=دستي على التوراة اُودستي فوق الانجيل اُودستي إماماً لا نضا بردة التشكيل=لاهوت قدس ما تشاكله البريّه يا أعوجيّة ما تعرفي من وطاتين=هذا التربى في حجر ست النساوين دستي يغبرة على صدر خير النبيِّين=واِنتي تدوسينه يغبرة يا دعيّه دستي على صدره اُوفيه العلم مكنون=عنده علم ما كان واللي بعد بيكون لولاه ربك ما براك اُوكون الكون=ولفلاك ما دارت ولا الشمس المضيّه يوم القيامة يا دعيّة ويش تقولين=لو ضجّت الزهرا اُوبكى خير النبيّين تباً لك يا داره باللي فعلتين=في كربلا يا كافره دستي الشفيّه يأعوجيّة بالقيامة اش كلامك=لو من لفت بنت النّبي اُوحيدر أمامك اُوجاك النّبي المختار وانتي في قيامك=شنهو العذر منّك يغبرة يا دعيّه يا أعوجيّة خصمك أحمد يوم لحساب=اُو خصيمك الزهرا اُو حيدر داحي الباب بالله استعدي يا دعيّة الرد لجواب=ما شوف رد اجواب عندك يا دعيّه واخجلنك في محشر الجنّة مع الناس=واِحسين واقف بالحشر جثّة بلا راس اُوفاطم تنادي يالولد لا باس لا باس=يا بني بليا راس من دون البريّه دستي على صدره اُوكسرتي اضلوعه=اُو زين لعباد ايعاينه اُو تجري ادموعه تعبان ويلي يرتعش ما سكن روعه=الغوث لله من فعلكم يا اُميّه